Халқаро футбол тарихи ва статистикаси федерацияси (IFFHS) 2014 йил якунлари бўйича энг яхши миллий чемпионатлар рейтингини тузиб чиқди.
Испания Ла-Лигаси кетма-кет бешинчи марта бу рейтингнинг энг юқори поғонасига қўйилди. Италия “А” серияси аввалги йилги натижасини яхшилаб, 4 ўриндан 2 ўринга кўтарилган. Учинчи ўринга эса, ўтган йили иккинчи ўринда қайд этилган Англия премьер-лигаси қўйилган.
1. Испания примераси (1259)
2. Италия “А” серия (998)
3. Англия Премьер-лигаси (958)
4. Аргентина примераси (912)
5. Германия Бундеслигаси (912)
6. Бразилия примераси (893)
7. Франция Олий дивизиони (871)
8. Португалия Олий Лигаси (758)
9. Колумбия примераси (697,5)
10. Парагвай примераси (671,5)
170 мамлакат футбол чемпионатлари санаб ўтилган тўлиқ рўйхатни эса, мана бу ерда кўришингиз мумкин. Унда 12-ўринда Россия примераси, 17-ўринда Нидерландия эре-дивизияси, 19-ўринда Украина Примьер-лигаси, 23-ўринда Туркия Суперлигаси, 38-ўринда Қозоғистон чемпионатлари қайд этилганини кўришимиз мумкин.
Ушбу норасмий рейтингнинг 82-поғонасидан Ўзбекистон Олий Лигаси жой олган. Ички чемпионатимиз кўрсаткичлари 256 балл билан баҳоланган. Ўтган йили эса миллий чемпионатимиз 69-ўринга лойиқ кўрилган эди.
