“Барселона” форварди Лионель Месси Испания чемпионатининг 22-туридаги “Атлетик” (5:2) билан ўйинда 2та голга ассистентлик қилди.

Шундай қилиб, 27 ёшли футболчи Примеродаги голли паслари сонини 105тага етказиб олди. Бу кўрсаткич бўйича у Луиш Фигуга етиб олди ва энди бу икки футболчи сўнгги 25 йил ичида голли пас бериш бўйича 1-ўринни бўлишиб туришибди. Хавида 95та, Даниэл Алвешда 92та голли пас мавжуд.

Месси бу ўйинда жарима зарбасидан тўп киритди ва бу кўрсаткич бўйича сўнгги 20 йил ичида Испания чемпионатида 4-ўринга чиқиб олди.

Эслатиб ўтамиз, Примеронинг бу мавсумдаги 21 ўйинида Месси 23та тўп киритди ва 13 голга ассистентлик қилди.