• БОШ САҲИФА
• СПОРТ
• Видео
• ТОП-ХАБАРЛАР
• ТРАНСФЕРЛАР
• ЮМОР
• ЭНГ-ЭНГ
• ОНЛАЙН ТРАНСЛЯЦИЯ
• ТВ-ДАСТУР
• ТОП-КЛУБЛАР
• ФУТБОЛ БАШОРАТИ
• БЛОГЛАР
• КОНФЕРЕНЦИЯЛАР
• СЎРОВНОМА
• ТЎПУРАРЛАР
• АФСОНАЛАР
• КИРМАНГ
• Эски STADION

Онлайн трансляция

Саҳифа ҳар 1 дақиқада автоматик янгиланади.

ЖЧ-2022 саралаш. Осиё, 2-босқич.

Матн

90+5'		Ўйин якунланди. Аламли мағлубият. Жуда яхши ўйнаб, сўнгги дақиқаларда иккита гол ўтказиб юбордик.
90+5'		Бурчакдан етказилган узатмани меҳмонлар эгаллаб олишди
90+4'		Бурчак зарбаси ишладик
90'		Иккинчи бўлимга 5 дақиқа қўшиб берилди
90'		Ўзбекистонда ўзгариш: Достон Ҳамдамов ўрнига Игорь Сергеев туширилди
89'		ГОЛ! Афсуски, Саудия Арабистони терма жамоаси чиройли гол уришга муваффақ бўлди. Шукуров майдон марказида тўпнги олдириб қўйди. Салим ад-Довсарий эса 15 метрдан парашют зарба билан дарвозани ишғол қилди. Суюновнинг қўлларига тўпга етмай қолди
86'		ГОЛ! Афсуски, олис масофадан зарба йўлланганидан кейин тўп рекошет ҳолатида дарвозамизга бориб тушди. Салмон ал-Фараж дублни расмийлаштирмоқда
85'		Саудияда ўзгариш: Ал-Биракан ўрнига Абдуллоҳ ал-Ҳамдан туширилди
84'		Жаримадан етказилган узатмани ҳимоячилар қайтаришди
84'		Чап қанотда Алибоевга нисбатан фол ишлатилди
82'		Ўзбекистонда дастлабки ўзгариш: Машарипов ўрнига Одил Ҳамробеков туширилди
81'		Қойил, Элдор! Меҳмонлар ҳужумчиси яккама-якка вазиятга чиқаётган эди. Дарвозабонимиз тўпни эгаллаб олишга муваффақ бўлди
79'		Меҳмонлар футболчиси бурчак зарбасини муваффақиятсиз амалга оширди
79'		Вуҳ! Абдулазиз ал-Беший айланма зарба берди. Суюнов сэйв намойиш қилиб, тўпни майдондан ташқарига чиқариб юборди
77'		Абдулашиш ал-Беший огоҳлантириш олди.
75'		Ҳамдамов бурчак тўпини ўйинга киритди, Шомуродов бош билан тўпни ортга уриб юборди, Машарипов чалқанча услубда зарба бермоқчи бўлди. Тўп Жалолнинг оёғига тегмай қолди
74'		Аҳмедовнинг зарбасидан кейин тўп жонли деворга тегиб қайтди
73'		Салим ад-Довсарий огоҳлантириш олди. У ортдан келиб Алибоевни йиқитди. Даврозагача 25 метрлардан жарима зарбаси тепамиз
72'		Саудияда ўзгариш: Аш-Шеҳрий ўрнига Навоф ал-Обид туширилди
71'		Машарипов бироз офсайдда қолиб кетди
70'		Шукуров олис масофадан ноаниқ зарба йўллади
69'		Эҳ, яхши вазият эди я! Футболчиларимиз рақибга босим ўтказиб, уларни хато қилишга мажбур қилишмоқда. Ҳамдамовнинг узатмасидан кейин Қодирқулов дарвозабон билан яккама-якка вазиятга чиқиб кетиши мумкин эди. Аммо тўп Санжарнинг оёғига тегдию, ортда қолиб кетди
68'		Терма жамоамиз тўпни назорат қилишга интилмоқда
62'		Саудия Арабистонида ўзгариш бўлди. Баҳебрий ўрнига Абдулазиз ал-Беший майдонга туширилди.
62'		Алижонов ўнг томондан рақиб жарима майдонига кириб, ўткир бурчак остида кучли зарба берди. Тўп юқорига кўтарилиб кетди
61'		Тўп саудиялик ҳимоячининг қўлига тегди. Бу сафар япониялик ҳакамнинг ҳуштаги жим
56'		ГООООООООЛ! Отабек Шукурооооов! Кучли зарба билан дарвозани ишғол қилди!
55'		ПЕНАЛЬТИ! Саудия Арабистони дарвозасига! Машарипов жаримадан етказган узатмани ҳимоячилар қайтаришди. Сайфиев йўллаган зарбадан сўнг тўп ҳимоячининг қўлига тегди
54'		Қодирқулов ҳимоячига босим ўтказди, ундан тўпни олиб қўйди ва жарима зарбаси ишлади. Жарима майдонининг ён томонида
53'		Алибоев рақиб билан тўп учун курашда тик оёқ билан чиқиб борди. Сато уни оғзаки огоҳлантирди
51'		Жаримадан етказилган узатмани Элдор мушти билан уриб юборди
50'		Ҳакам жарима майдонимиз бурчагида жарима зарбаси белгилади.
46'		Машарипов чап қанотда ҳимоячилардан қочиб кетиб, дарвоза олдига узатма берди. Посбон тўпни эгаллаб олди
46'		Иккинчи бўлим старт олди. Давом этамиз
45+1'		Биринчи бўлим якунланди. Ҳозирча ҳисоб - 1:1. Танаффус
45+1'		ВУУУУҲ! Ашурматов ўта қўпол хатога йўл қўйди! У жарима майдонимиз ичида Суюновга жуда ноаниқ пас берди. Аҳмедов ўз вақтида тўпга етиб бориб, хавфни бартараф этди. Акс ҳолда меҳмонлар ҳужумчиси бўш дарвозани ишғол қилиши мумкин эди.
45'		Биринчи бўлимга 1 дақиқа қўшиб берилди
45'		Шеҳрий жарима майдонимиз ташқарисидан зарба берди. Элдор тўпни эгаллаб олди
42'		ВУУУУУУҲ! Шомуродоооов! Элдор дарвозабон билан яккама-якка вазиятга чиқиб кетиб, зарба берди. Ал-Овайс оёғи билан тўпни қайтарди
39'		Ўйин анча фаол ва тезкорлик билан давом этмоқда. Терма жамоамиз кетма-кет бурчак тўпларини ўйинга киритишмоқда. Ҳозирча меҳмонлар юқори қаватда яхши ўйнашмоқда
35'		Ҳакам Саудия дарвозаси томон пенальти белгилаши мумкин эди. Шомуродов икки ҳимоячи орасидан ўтиб жарима майдонига кирган пайтда футболчилардан бири уни қўли билан туртиб йиқитди. Ҳакам эса қоидабузарлик содир этилмагинини кўрсатди
22'		ГОЛ! Ал-Фараж дарвозани ишғол қилди
21'		Эҳ, дарвозамиз томон пенальти белгиланди. Рустам Ашурматов рақибни ушлаб қолди.
16'		ГООООООООЛ! Элдор Шомуродов! 1:0! Алибоев Шаҳронийга босим ўтказиб, уни хато қилишга мажбур қилди. Элдор эса 16 метрдан дарвоза бурчагини ишғол қилди! Ажойиб ижро!
16'		Аҳмедов ҳимоядан узун пас билан ҳужум чизиғига узатма берди. Дарвозабон тўпни эгаллаб олди
16'		Ўзбекистон ижросида навбатдаги бурчак зарбаси. Ҳимоячилар тўпни майдон марказига қайтаришди
14'		Футболчиларимиз бурчакдан тўпни рақиб дарвозаси олдига эмас, яқинга етказиб, комбинация ташкил қилишга уринишди, аммо муваффақиятли чиқмади
13'		Одил Аҳмедов бурчак зарбаси ишлади
12'		Арабистонликлар бурчак тўпини ўйинга киритишди ва Саҳафий бош билан зарба берди. Суюнов тўпни эгаллаб олди
11'		Жалол етказиб берган узатмани ҳимоячи бош билан қайтарди
10'		Машарипов қанотида Жалолиддинга нисбатан фол ишлатилди
8'		Саудиялик футболчи Ад-Досарий офсайдда қолди
7'		Ҳар иккала жамоа юқори прессинг қўллаб, майдон маркази учун кураш олиб боришмоқда
5'		Сайфиев ўз қанотида ҳимоячидан қочиб кетиб, юқоридан узатма берди. Ҳимоячи бош билан узатмани қайтарди
4'		Меҳмонлар бурчак тўпини ўйинга киритишди, ҳеч қандай хавфли вазият юзага келмади
1'		Учрашув бошланди. Тўпни ўйинга яшил формадаги Саудия Арабистони киритиб берди. Ўзбекистон бугун оқ футболка, кўк шортик ва оқ гетрада ҳаракат қилмоқда
'		Диққат, жамоалар майдонга чиқиб келишди. Ўзбекистон ва Саудия Арабистони мамлакатлари мадҳиялари янгради
'		Ассалому алайкум, қадрли футбол мухлислари. ЖЧ-2022 саралаши доирасида Ўзбекистон Саудия Арабистони билан куч синашади. Айни дамда ҳар иккала жамоанинг бошланғич таркиблари аниқ бўлди. Асосий таркиб ўйинлари майдонда чигилёзди машғулотини ўташмоқда.