Кириш Регистрация
29/03 18:00 Ислочь 1-0 Смолевичи
29/03 20:00 Неман 2-0 Витебск

Онлайн трансляция

Саҳифа ҳар 1 дақиқада автоматик янгиланади.

Испания кубоги, чорак финал

6 февраль, соат 23:00. Бош ҳакам: Матеу Лаос (Валенсия)

РЕАЛ МАДРИД

Марсело (59)
Родриго (81)
Начо (90+3)

3 : 4

РЕАЛ СОСЬЕДАД

Мартин Эдегор (22)
Александер Исак (54, 56)
Микель Мерино (69)
ЖАМОАЛАР ТАРКИБИ
01.Альфонс Ареола (Д)
04.Серхио Рамос
12.Марсело
06.Начо
03.Эдер Милитао
15.Федерико Вальверде
08.Тони Кроос
16.Хамес Родригес
21.Браим Диас
25.Винисиус Жуниор
09.Карим Бензема
  01.Алекс Ремиро (Д)
20.Начо Монреаль
06.Ариц Элустондо
18.Андони Горосабель
24.Робин Ле Норман
11.Аднан Янузай
21.Мартин Эдегор
08.Микель Мерино
05.Игорь Субелдия
10.Микель Ойарсабаль
19.Александер Исак
ЗАҲИРА
13.Тибо Куртуа (Д)
23.Ферлан Менди
05.Рафаель Варан
10.Лука Модрич
22.Иско
18.Лука Йович
27.Родриго
  13.Мигель Мойя (Д)
02.Хосеба Салдуа
12.Айен Муньоч
07.Кристиан Порту
16.Гуэвара
09.Виллиан Хосе
22.Барренетксеа

Матн

90+8'
Ўйин якунланди! "Реал" - "Сосьедад" - 3:4! Мадридликлар Испания кубогини тарк этишди
90+7'
ВУУУУҲ! Марселодан аниқ узатма ва Рамос бош билан зарба берди. Ремиро тўпни эгаллаб олди
90+7'
Ўнг қанотдан узатилган тўпни Ремиро эгаллаб олди
90+6'
Марсело ўз қанотидан етказган узатмани ҳимоячи боши билан қайтарди
90+5'
Ойарсабаль иккинчи сариқ карточкани олиб майдонни тарк этди
90+4'
Ойарсабаль огоҳлантириш олди
90+3'
ГОООООООЛ! Начо! 3:4! "Реал" бурчакдан тўпни ўйинга киритди ва босимни давом эттирди. Қанотдан етказилган узатмани ҳимоячи бош билан рақиб дарвозасига жойлаб қўйди!
90+1'
"Сосьедад" футболчиси рақиб жарима майдони олдида тўпни эгаллаб олди, аммо ундан аввал у Рамосга нисбатан фол ишлатган эди
90'
Иккинчи бўлимга нақ 6 дақиқа қўшиб берилди
90'
Модрич жарима майдони чизиғи устида зарба берди. Тўп ҳимоячининг юзига тегди. Унга тиббий ёрдам кўрсатилмоқда
89'
"Реал"нинг сўнгги ҳужумлари, сўнгги имкониятлар...
86'
Горосабель сариқ карточка олди. Жуниор оёғига хавфли ташлангани учун
84'
Ўйинга интрига қайтди. Сўнгги дақиқалар бизга шиддатли ва ҳаяжонли футболни тақдим этади
81'
ГОООООЛ! "Реал" яна гол урди! 2:4! Бу сафар Винисиуснинг пасидан кейин Родриго дарвозанинг бўш қолган қисмига тўпни жойлади! Гол инобатга олинди!
79'
ГОООООЛ! Винисиус Жуниор, 2:4! Начонинг узатмасидан кейин бразилиялик футболчи бош билан зарба берди. Тўп дарвозабоннинг қўлига тегиб, чизиқни кесиб ўтди.
Аммо, лекин, бироқ — ЙЎҚ! Ҳакам ВАР ёрдамида голни бекор қилди! Винисиус офсайдда қолган экан шекилли
78'
"Реал" дарвозабони билан яккама-якка вазиятга чиқаётган футболчидан Рамос тўпни олиб қўйди
77'
Эдер Милитао огоҳлантириш олди. У қарши ҳужумга ўтаётган рақибга нисбатан тактик фол ишлатди
76'
Рамос жамоасини қутқариб қолди. Акс ҳолда меҳмонлар ҳуужмчиси Ареола билан яккама-якка вазиятга чиқиб кетар эди
76'
"Реал"да ўзгариш: Вальверде ўрнига Лука Йович туширилди
76'
Ўнг қанотдан етказилган узатмага Бензема бош билан зарба берди. Ноаниқ
74'
Вальверде! Федерико 17 метрлардан хавфли зарба йўллади. Ремиро иккинчи уринишда тўпни эгаллаб олди
73'
"Реал Сосьедад"нинг қарши ҳужумлари хавфли тус ола бошлади
71'
Браҳим Диас рақиб жарима майдони ташқарисидан зарба йўллади. Тўп ҳимоячига тегиб қайтди
70'
"Сосьедад"да ўзгариш бўлди: бугунги ўйин қаҳрамонларидан бири Александер Исак (2та гол + 1та узатма) ўрнига Айен Муньос туширилди
69'
ГООООООЛ, Микель Мерино 1:4! Маҳмонлар "Мадрид" ҳимоясини осонлик билан ёриб ўтишмоқда. Исакнинг узатмасидан кейин Мерино 5-6 метрдан дарвозани осонлик билан ишғол қилди!
66'
Бензема ҳужумда фол ишлатди
65'
Игорь Субелдия огоҳлантирилди
64'
"Сосьедад"да ўзгариш: Эдегор ўрнига Гуэвара туширилди
64'
Вуууҳ, Винисиус! Жуниор рақиб жарима майдони ичида бир ҳимоячини алдаб ўтди ва олис бурчак сари зарба берди. Тўп устун ёнидан ўтиб кетди
62'
Рамоснинг узатмасидан кейин Бензема тўпни рақиб жарима майдони ичида кўкраги билан ўзига бўйсундирди, амо ҳимоячи унинг зарба беришига йўл қўймади
59'
ГООООООЛ! Марсело! 1:3. Мезбонлар тезкор ҳужум ташкил қилишди. Мерсело томонидан ўткир бурчак остида йўлланган зарбани "Сосьедад" посбони яқин бурчакдан ўтказиб юборди. "Реал" ўйинга қайтмоқда.
56'
ГООООООЛ! Александер Исак, 0:3! Хей, Мадрид, нималар бўлмоқда??? "Реал" мудофааси жуда ҳам бўшашиб кетди. Меҳмонлар футболчии бемалол жарима майдонига яқинлашиб зарба берди. Ҳимоячига теккан тўп Исакка келиб тушди. У эса 10 метрдан кучли зарба билан Ареолага ҳеч қандай имконият қолдирмади
54'
ГООООООЛ! Александер Исак, 0:2! "Сосьедад" футболчиси чап қанотда Начони алдаб рақиб жарима майдонига кириб келди ва шеригига аниқ узатма берди. Александернинг бу галги зарбаси аниқ бўлди. Ареола тўпни қайтара олмади
51'
Кроос жаримадан етказган узатмани "Сосьедад" посбони эгаллаб олди
49'
Александер Исак рақиб дарвозасини ишғол қилди. Аммо VAR ёрдамида гол бекор қилинди. Ҳужумчи офсайдда қолган экан
47'
Иккинчи бўлим бошида "Реал Сосьедад"да ҳам ўзгариш бўлган эди. Янузай ўрнига ўйинни Андер Барренчеа давом эттиради
47'
Эдер Милитао рақиб билан тўқнашувда жароҳат олди. Аммо у ўйинни давом эттиради
46'
Иккинчи бўлим бошланди.
46'
Зидан майдонга Модрични ташлади. Хамес танаффусдан майдонга қайтмади
46'
Иккинчи бўлим бошланиш арафасида. Жамоалар таркибида ўзгариш бўладиган кўринади
45+2'
Биринчи бўлим якунланди. Ҳозирча "Реал" - "Сосьедад" - 0:1. Танаффус
45'
Биринчи бўлимга 1 дақиқа қўшиб берилди
45'
ВУУУУУУҲ! Исак яна бир марта "Реал"ни кечирмоқда! Футболчи яккама-якка вазиятга чиқиб бориб, яна ноаниқ зарба йўллади
44'
Энди эса Александер Исак "Мадрид"ни кечирди. "Сосьедад" томонидан уюштирилган чиройли комбинацияни якунлашда ҳужумчига аниқлие етишмади
43'
Хавфли вазият! Винисиуснинг жонбозлиги эвазига Марсело рақиб жарима майдони ичида якка ўзи зарбавор вазиятда қолди. Унинг зарбасини дарвозабон эгаллаб олди. Зарба у қадар кучли чиқмади
39'
Яна бир голли вазият! Ўнг қанотдан етказилган узатмага Рамос бош билан зарба берди. Тўп тўсинга тегиб қайтди!
38'
ВУУУУУУҲ! "Реал" ҳисобни тенглаштиришга жуда яқин келди. Винисиус чап қанотда ҳимоячини осонлик билан алдаб ўтди ва дарвоза майдонига яқинлашиб, Бенземага пас берди. Ҳимоячи тўпни қайтарди. Вальверде 18 метрдан йўллаган кучли зарбани Ремиро дарвоза устидан кўтариб юборди
37'
Меҳмонлар хавфли ҳужум ташкил қилишди, аммо иш зарбагача етиб бормади
26'
Вуууууҳ! Хамес 20 метрдан хавфли зарба йўллади. Дарвоза бурчаги томон бораётган тўпни Ремиро сэйв орқали қайтариб қолди
32'
Хавфли вазият. Ён чизиқдан улоқтириб берилган тўп натижасида Исак "Реал" жарима майдонига кирди ва Рамосдан қочиб зарба беришга уринди. Ноаниқ
32'
Сан-себастьанликларнинг хавфли ҳужумини Марсело бартараф этди
30'
Марсело "Сосьедад" ярим ҳимоячиси Эдегорга жароҳат етказди
26'
"Реал"да яхши имконият! Винисиус ўз қаноти бўйлаб катта тезликда рақиб жарима майдони томон кириб келди ҳамда Бенземани тўп билан таъминлади. Каримнинг муваффақиятли зарба беришига ҳимоячи халал бериб қолди
24'
"Мадрид" бурчак зарбасини амалга оширди. Ҳимоячи бош билан қайтарди
22'
ГОООООЛ! Мартин Эдегор ҳисобни очди! Александер Исак жарима майдони ташқарисидан йўллаган зарбани Ареола қайтарди. Эдегор эса 16 метрдан тўпни дарвоза томон қайта тепди. "Реал" посбони тўпни оёқлари орасидан ўтказиб юборди
22'
"Реал" яхши ҳужум ташкил қилди. Марселонинг узатмасидан кейин Винисиус чап қанотдан олдинга ўтиб, жарима майдонига етиб келган Начога аниқ узатма берди. Ҳимоячининг зарбаси қовушмади
20'
Хамес Родригес томонидан йўлланган жарима зарбаси анча ноаниқ бўлди
19'
Робин Ле Норман огоҳлантирилди
16'
"Реал" дарвозаси олдида хавфли вазият. Ўнг қанотдан ташкил қилинган ҳужум натижасида Янузай рақиб жарима майдонига кирди ва зарба берди. Тўп Милитаонинг оёғидан майдонни тарк этди
14'
Тўп асосан майдон марказида. Ҳар иккала жамоа тўпни назорат қилишга интилмоқда
11'
Мартин Эдегор огоҳлантириш олди. У майдон марказида Рамоснинг оёғини босиб олди
11'
Бурчак зарбаси самарасиз чиқди
10'
Вууууҳ! Бензема рақиб жарима майдони ичида 3 ҳимоячи таъқибидан қочди ва ўткир бурчак остида зарба берди. Дарвозабон оёғи билан тўпни қайтарди
8'
Меҳмонлар қарши ҳужумда кўпчиликни ташкил қилишган эди, аммо сўнгги узатмани Рамос эгаллаб олди
7'
Хамес офсайдда қолди
6'
Начо ўнг қанотдан узатма орқали Бенземани тўп билан таъминлашга ҳаракат қилди. Марказий ҳимоячи тўпни қайтариб қолди
3'
Дастлабки ҳужумни басклар уюштиришди. Ўнг қанотдан юқоридан етказилган узатмани Ареола эгаллаб олди
2'
Тўп асосан меҳмонлар ярим майдони томонида. Зидан жамоаси рақибга нисбатан прессинг қўлламоқда
1'
Учрашув бошланди. Тўпни ўйинга "Мадрид" футболчилари киритиб беришди.
'
Диққат! Жамоалар майдонга чиқиб келишмоқда. "Реал" бугун ўзининг анъанавий оқ, "Сосьедад" эса яшил рангли футболкада ҳаракат қилишади
'
Испания кубогининг чорак финал босқичи доирасида «Реал Мадрид» ўз уйида «Реал Сосьедад»ни қабул қилмоқда. Хабарингиз бор, ушбу босқич фақат битта ўйиндан иборат ва ғолиб чиққан жамоа ярим финалга йўл олади
'
Ассалому алайкум, қадрли футбол мухлислари. Навбатдаги матнли онлайн трансляцияни бошлаймиз
Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.