| 15/11 02:00 | Венесуэла | 1-1 | Бразилия | ||
| 15/11 04:30 | Парагвай | 2-1 | Аргентина | ||
| 15/11 05:00 | Эквадор | 4-0 | Боливия | ||
| 15/11 17:00 | Индонезия | 0-4 | Япония |
Онлайн трансляция
Жаҳон чемпионати-2014
| Финал, 13 июль, соат 23:59. Бош ҳакам: Никола Риццоли (Италия) | ||
ГЕРМАНИЯМарио Гётце (113)
|
1 : 0 |
АРГЕНТИНА |
| ЖАМОАЛАР ТАРКИБИ | ||
|
1. Мануэль Нойер 4.Бенедикт Хёведес 5. Матс Хуммельс 7.Б.Швайнштайгер 8.Месут Ўзил 11.Мирослав Клозе 13.Томас Мюллер 16. Филипп Лам 18.Тони Кроос 20.Жером Боатенг 23.Кристоф Крамер |
1.Серхио Ромеро 2.Эзекьел Гарай 4.Пабло Сабалета 6.Лукас Биглия 8.Энцо Перес 9.Гонсало Игуаин 10.Лионель Месси 14.Хавьер Маскерано 15.Мартин Демичелис 16.Маркос Рохо 22.Эзекьел Лавесси |
|
| САРИҚ КАРТОЧКА | ||
|
Швайнштайгер (29)
Хёведес (32) |
Маскерано (64)
Агуэро (65) |
|
Матн
| ' |
 |
Бир ой давом этган навбатдаги Мундиал якунига етди! Биз билан бирга бўлганингиз учун ташаккур! |
| ' |
|
Шахсий совринлар ичида Хамес Родригес "Олтин бутса", Пол Погба эса энг ёш футолчига аталган совринга эга бўлади |
| ' |
|
ГЕРМАНИЯ ТЕРМА ЖАМОАСИ ОЛТИН МЕДАЛЛАРИН ҚАБУЛ ҚИЛИШ УЧУН ЮҚОРИГА КЎТАРИЛМОҚДА! |
| ' |
|
Аргентина футболчиларига кумуш медаль топширилди |
| ' |
|
Финални бошқарган ҳакамлар эсдалик учун олтин медаллар |
| ' |
|
Назаримизда, бу совринга Роббен муносиброқ эди |
| ' |
|
Лионель Месси - ЖЧ-2014нинг энг яхши футболчиси! "Олтин тўп унга топширилди |
| ' |
|
Мануэль Нойер - "олтин қўлқоп" соҳиби! |
| ' |
|
Демак, шахсий мукофотлар: |
| ' |
|
Бироздан кейин тақдирлаш маросими ўтказилади |
| ' |
|
Европа жамоаси илк марта Америкада қитъасида ўтказилган Мундиалда ғолибликни қўлга киритмоқда. Буни Германия уддалади |
| ' |
|
Финалда ажойиб ўйин кўрсатган аргентиналикларга ҳам миннатдорчилик билдирамиз! |
| ' |
|
Назаримизда, мусобақадаги энг кучли терма жамоа чемпионликни қўлга киритди. Германия бунга ҳақли эди! |
| ' |
|
ГЕРМАНИЯ - 4 КАРРА ЖАҲОН ЧЕМПИОНИ!!! |
| 120+4' |
 |
Ниҳоят! Никола Риццолининг финал хуштаги янгради! |
| 120+4' |
 |
Ҳакам ҳамон имкон бермоқда. Энди Бастианга нисбатан ўйин қоидаси бузилди |
| 120+3' |
 |
Эҳҳҳ, Месси ўзи зарба беришга қарор қилди ва бу зарба анча ноаниқ бўлди! |
| 120+3' |
|
Дарвозагача 25 метрлар! Сўнгги имконият |
| 120+2' |
|
Бастианга тиббий ёрдам кўрсатилди. У майдонни тарк этади |
| 120+1' |
 |
Германияда сўнгги ўзгариш. Ўзил ўрнига МЕртезакер туширилди |
| 120+1' |
|
Швайнштайгер жарима майдончасига яқин жойда МЕссини чалиб йиқитди. Лео ва Аргентина учун сўнгги имконият! |
| 120' |
 |
Қўшимча бўлимларга 2 дақиқа қўшиб берилди |
| 119' |
|
Ўзил жарима майдончаси ўнг томонида тўпни дарвозабон майдончаси томон узатди. Тўп ҳеч кимга насиб қилмажи |
| 119' |
|
Аргентина босим ташкил қилмоқда. Аммо бу босим қаршисида немислар шошиб қолишмаяпти |
| 118' |
|
Вуҳҳҳ! Чап қанот байроқчаси ёнидан етказиб берилган тўпга Месси бош билан зарба берди. Тўп дарвоза устидан ўтиб кетди |
| 116' |
|
Аргентина ихтиёрида 5 дақиқача вақт бор |
| 113' |
|
Шюррле чап қанотдан бир футболчини алдаб ўтиб, бурчакдаги байроқча ёнигача борди ва тўпни жарима майдончаси томон узатди. Аргентиналиклар Гётцени назоратсиз қолдиришди. Гётце эса тўпни кўкраги билан қайтарди ва уни ерга туширмасдан дарвозани ишғол қилди!!! |
| 113' |
 |
ГООООООЛЛЛЛЛ!!!! МАРИО ГЁТЦЕЕЕЕ!!! 1:0!!!! |
| 112' |
|
Бастиан майдонга қайтди |
| 109' |
|
Швайнштайгерга нисбатан фол ишлатилди. Унинг юзидан қон оқмоқда. |
| 107' |
 |
Германия "стандарт" вазиятдан тўпни жарима майдончасига узатди. Тўп қайтарилди |
| 106' |
|
Иккинчи қўшимча бўлим бошланди! |
| ' |
|
Футболчилар томоқ хўллаш баҳонасида мураббийлардан кўрсатмаларни қабул қилишмоқда |
| 105' |
|
Биринчи қўшимча бўлим якунланди |
| 104' |
|
Лам ўнг қанотда тўпни эгаллаб, марказ томон кўчди ва жарима майдончаси чизиғи устида турган шеригига тўпни узади. Ҳимоячи тўпни қайтариб юборди |
| 98' |
|
Агар Паласио гол ура олганида, Аргентина ўйиннинг қолган дақиқаларида ўз дарвозаси дахлсизлигини сақлаб қолишга тиш-тирноғи билан ҳаракат қиларди! |
| 97' |
|
ВУУУУУУУҲҲҲҲҲ!!! ПАЛАСИОООО! Чап қанотдан етказилган тўпни Паласио кўкраги билан ўзига бўйсундирди ва дарвоза томон яқинлашди. Родриго посбоннинг устидан ошириб, дарвозани ишғол қилмоқчи бўлди! Аммо ноаниқ бўлди зарба. Паласиода вариантлар кўп эди. Аммо ана шу вариантларни танлашда унга техник панд берди |
| 96' |
|
Қўшимча бўлимларнинг бошидаги шиддатдан кейин ўйин темпи бироз тушди, Аргентина кўпроқ ҳимояланмоқда. Бироқ Германия тўпни ҳис қилишни бошласа, улар ҳамиша хавфли |
| 92' |
|
Аргентинада ҳам яхши имконият юзага келди. Агуэро ўткир бурчак остида дарвозага аниқ зарба йўллай олмади |
| 91' |
|
Шюррле чап қанотда тўпни Ўзилга узатди, аммо ўзи ҳимоячига урилиб йиқилди. Тўпни жарима майдончаси ичида Ўзил қабул қилганини кўрган Риццоли ўйинни тўхтатмади ва Шюррле ўрнида туриб олдинги борди ва Месутдан тўпни қабул қилди ва 9-10 метрлардан кучли зарба йўллади. Ромеро тўпни қайтарди! |
| 91' |
|
ВУУУУУУҲҲҲҲ ШЮРРЛЕ ВА РОМЕРО!!! |
| 91' |
|
Учинчи бўлим ёки қўшимча бўлимларнинг дастлабкиси бошланди |
| ' |
|
Мини-қуръага кўра, учинчи бўлимни германияликлар бошлаб беришади. |
| 90+4' |
|
90 дақиқа якунланди! Навбат қўшимча бўлимларга! |
| 90+3' |
|
Аргентина қарши ҳужумга ўтди ва чап қанотда очилган Агуэрога тўп етказилди. Серхио қаршисидаги ҳимоячини алдаб ўта олмади |
| 90+3' |
|
Германияликлар тўпни жарима майдончаси атрофида айлантиришди, аммо Мюллернинг узатмаси ҳимоячига тегиб қолди ва хавф бартараф этилди |
| 90+2' |
|
Аргентиналикларнинг хатосидан кейин Марио Гётце тўпни қабул қилди ва жарима майдончаси ташқарисидан зарба берди. Ромеро тўпни эгаллаб олди |
| 90+1' |
|
Адашмасак, Месси марказидан ерлатиб узатилган пас орқали икки ҳужумчини дарвозабон бирга-бир вазиятга чиқариб юбормоқчи бўлди. Сўнгги паллада марказий ҳимоячи тўп йўналишини ўзгартирди ва хавфни бартараф этди |
| 90' |
|
Иккинчи бўлимга 3 дақиқа қўшиб берилди |
| 88' |
|
Германияда ўзгариш: Клозе ўрнига Марио Гётце туширилди |
| 87' |
|
Аргентина марказдан ҳужум ташкил қилди. Месси тўпни эгаллаб олиб, жарима майдончаси яқинигача келди ва тўсиққа дуч келди |
| 86' |
|
Аргентинада ўзгариш: Фернандо Гаго майдонга тушди, Энцо Перес ўрнига |
| 84' |
|
Аргентинанинг ҳужуми пайтида ўнг қанотдан етказилган тўпни бир уринишда Месси жарима майдончаси ташқарисидан Агуэро томон узатди. Серхио эса йиқилиб тушди ва тўпга бора олмади |
| 83' |
|
Германия сўнгги 3-4 дақиқа давомида ўз ўйинини топиб олгандек! |
| 82' |
|
Ўзил ўнг қанотдан олдинга ўтди ва тўпни жарима майдончаси чизиғи устига яқинлашиб келаётган Кроос томон узатди. Тонининг зарбасига бироз аниқлик етишмади |
| 80' |
 |
БУрчак тўпидан кейин немислар ҳужумнинг иккинчи тўлқинини юзага келтиришди. Аргентиналиклар бир амаллаб тўпни узоқлаштиришга муваффақ бўлишди. Улар Хёведесга жарима майдончаси ичида зарба беришга ва тўпни шерикларига узатишга йўл қўйишмади |
| 78' |
|
Вууҳҳҳ, Месси жарима майдончаси яқинида ҳимоячилар таъқиби остида йиқилай-йиқилай деб тўпни жарима майдончаси ичида турган Паласиога узатди. Аммо Родриго бу узатмани кутмаганди. Нойер эгаллаб олди |
| 76' |
|
Аргентинада ўзгариш: Гонсало Игуаин ўрнига Родриго Паласио туширилди |
| 75' |
|
Месси ўнг қанотдан марказ бўйлаб кўчди, чап оёқда зарба бериш учун имконият кутди ва зарба берди! Зарбага аниқлик етишмади! |
| 70' |
|
УУУУҲҲҲҲ, ГЕРМАНИЯ! Улар бу ўйинда илк марта жарима майдончаси ичида тўпни қисқа паслар орқали давроза томон яқинлашишди. Аммо Шюррле тўпни ўзидан узоқлаштириб юборгани учун Ромеро уни эгаллаб олди! |
| 69' |
|
Маскерано олис масофага тўп узатиш орқали тўпни ўнг қанотда очилган Пересга етказди. Ярим ҳимоячи тўпни аниқ манзил - Игуаин томон етказаётганида Швайни тўпни қайтариб қолди |
| 68' |
|
Аргентина рақибига ўз ўйинини намойиш қилишга имкон бермаяпти ҳозирча |
| 67' |
 |
Клозе Биглияга нисбатан ўйин қоидасини бузди. Дарвозагача масофа олис эди. Шу боис тўп жарима майдончасига узатма шаклида етказилди. Нойер эгаллади тўпни |
| 65' |
 |
Серхио Агуэро навбатдаги карточка соҳиби. Керакмас жойда рақибга нисбатан қўпол ўйнади |
| 64' |
|
Маскерано майдон марказидаги хатосини Клозега нисбатан қоида бузиш эвазига тўғрилашга уринди. Сариқ карточка |
| 63' |
|
Аргентина бурчак тўпини ўйинга киритди. Тўга Агуэро ва ҳимоячи баравар зарба бериши оқибатида тўп майдонни тарк этди. Риццоли дарвоза олдидан эркин зарба тепилиши кераклигини таъкидлади |
| 62' |
|
Аргентина тўпни майдоннинг ўзи томонида йўқотди. Шюррле ўнг қанотдан олдинга ўтди ва жарима майдончаси томон узатмани амалга оширди. Ўзил тўпни ўзига бўйсундира олмади ва тўп майдонни тарк этди |
| 61' |
|
Лам ўнг қанотдан марказ томон юрди ва тўпни жарима майдончасига узатди. Мюллер унинг бундай қилишини кутмаганди |
| 59' |
|
Ўнг қанотдан етказилган тўпга Клозе бош билан зарба берди. Тўп йўналиши аниқ бўлди, бироқ Ромеро тўпни эгаллаб олди |
| 57' |
|
Жуда баҳсли вазият! Майдон марказидан тўп олдинга - Игуаин томон узатилди. Сакраётган тўпга Игуаин ва Нойер интилишди. МАнуэль тўп сакраб, уни муштлари билан уриб юборди. Аммо сакраган пайтда Гонсалога жуда ёмон урилди. Баҳсли вазият шундаки, Нойер мушт билан тўпни уриб юбораётганида тўп жарима майдончасига кирганмиди ёки ҳали кирмаганмиди? |
| 54' |
|
Риццоли жарима майдончаси остонасида Шюррлега нисбатан бузилган ўйин қоидасини қайд этмади. Немисларга бор-йўғри бурчак тўпи берди холос. |
| 51' |
|
Аргентиналиклар ўнг қанотдан тўпни жарима майдончаси остонаси томон узатди. Тўп Игуаинга келиб тушди, аммо у тўпни ўзига бўйсундира олмади |
| 48' |
|
Аргентина иккинчи бўлимни жуда шиддатли бошлади |
| 47' |
|
ВУУУУУУУУҲҲ, МЕССССИИИИИ! Жамоадошларидан бири Мессини жуда чиройли пас орқали дарвозабон билан яккама-якка вазиятга чиқариб юборди. Леонинг ўткир бурчак остида йўллаган зарбасига бирозгина аниқлик етишмади - тўп олис устун ёнидан ўтиб кетди |
| 46' |
 |
Ууҳҳҳҳҳ! Чиройли узатмадан кейин Игуаин дарвозабон билан бирга-бир вазиятга чиқиб борди, аммо Гонсало бирозгина офсайдда қолган экан. Лайнсмен адашмади |
| 46' |
|
Иккинчи бўлимни Аргентина бошлаб берди |
| 46' |
|
Аргентинада ўзгариш: Лавесси ўрнига Серхио Агуэро майдонга тушди |
| ' |
|
Ҳар иккала жамоада гол уриш яққол имкониятлар бўлди. Бир бўлим давомида 4-5та бундай вазиятлар - финал учун ёмон натижа эмас |
| ' |
|
Тан олиш керак, биринчи бўлим кутилганидан-да шиддатлироқ ва қизиқарлироқ ўтди. Ҳақиқий финалга хос ўйин! |
| ' |
|
Биринчи бўлим якунланди |
| 45+2' |
 |
ВУУУУҲҲҲҲҲҲ!!! Тўп дарвоза темирларини ларзага келтирди!!! Бурчакдан етказилган тўпни Хёведес бош билан зарба берди! Тўп эса дарвоза устунига тегиб, Мюллерга келиб тушди. Тўп Мюллер дарвозага кириб кетаётганида Ромеро тўпни эгаллаб олди! Бос устига, Мюллер офсайдда қолган экан |
| 45+1' |
|
Германия бурчак тўпини ўйинга киритди. Ҳимоячи тўпни дарвоза устидан ошириб юборди. Иккинчи бурчак тўпи |
| 45' |
|
Биринчи бўлимга 2 дақиқа қўшиб берилди |
| 45' |
|
Мюллер жарима майдончасининг ўнг томонида тўпни Клозе томон узатди. Мирослав бирозгина тўпга ета олмади |
| 43' |
|
Германия майдон марказида тўпни эгаллаб олиб, тезкор ҳужумга ўтди. Сўнгги зарбани бериш учун тўп Кроосга етказилди. Тони томонидан 17 метрлардан йўлланган зарбани Ромеро эгаллаб олди |
| 42' |
|
Клозе тўпни ўнг қанотдан жарима майдончасига етказиб берди. Жанубий амарикаликлар тўпни бош билан қайтаришди |
| 40' |
|
Оҳҳоҳоҳо, Мессссиииии!! Майдон марказидан олдинга узатилган тўп натижасида Месси олдинга ўтди, бир ҳимоячидан қочиб кетди ва ўткир бурчак остида Нойер олдигача яқинлашиб келди ҳамда тўпни унинг ёнида секин думалатиб ўтказди. Ёрдамга етиб келган германиялик ҳимоячи тўпни қайтариб юборди! |
| 37' |
|
Серхиоооо Ромероооо! Шюррленинг 12-13 метрлардан йўллаган зарбасини майдон ташқарисига чиқариб юборди! Ҳужум чап қанотдан ташкил этилиб, Андре томон узатилганди |
| 36' |
|
БУрчак тўпини Нойер эгаллаб олди |
| 36' |
|
Месси рақиб жарима майдончас ташқарисида тўпни эгаллаб олиб, олдинга борди ва чап қанотда Лавесси, ўнг қанотда Игуаин очилди. У Гонсало вариантини танлаганди, сўнгги дамда немис ҳимоячиси тўпни қайтариб юборишга улгурди |
| 34' |
|
Германиянинг иккинчи сариқ карточкаси! Хёведесга аталди бу "сариқ" |
| 32' |
|
Германияда мажбурий ўзгариш. Юқоридаги вазиятда жароҳат олган Крамер ўрнига Андре Шюррле майдонга тушди |
| 30' |
 |
Гооооол ЭМАС! Лавесси ўнг қанотда тўпни эгаллаб олган вазиятда жуда катта бўш зонага эга бўлди. У дарҳол тўпни жарима майдончаси томон айлантирди ва Игуаин битта уринишда тўпни дарвозага йўллади! Бироқ Гонсало офсайдда қолганди! Лавесси бироз шошмаганида жамоадошларининг офсайдда чиқишига имкон берарди |
| 29' |
|
Швайнштайгер огоҳлантириш олди. Лавессини чалиб қолгани учун |
| 28' |
|
Ламнинг узатмалари хавфли бўлмоқда. У ўнг қанотдан тўпни (ҳимоячилар орасидан ўтказиб) жарима майдончасидаги Мюллер томон узатди. Томас тўпга бироз ета олмади. ШУ билан биргаликда у офсайдда қолганди |
| 28' |
|
Тўп майдон марказидан жарима майдончаси томон отланган Клозе томон узатилди. Ромеро олдинга чиқди ва тўпни эгаллаб олди |
| 27' |
|
Немислар ҳозирча рақиб мудофаасини ёриб ўта олишмаяпти |
| 25' |
|
Бу ўйинда Йоахим Лёв шогирдлари тўпни назорат қилаётгани ҳеч нарсани англатмайди, дўстлар! Аргентина бутунлай бошқача "настрой" билан чиққан ўйинга! |
| 23' |
|
Лам ўнг қанотдан тўпни жарима майдончасига етказди. Мюллер тўхтатиб берган тўпни Клозе эгаллаб, ҳимоячидан ўтиб кетишга ҳаракат қилганди, аргентиналик ҳимоячи бунга имкон бермади |
| 21' |
|
Вой Игуаин, вой Гонсало! Товбааа! Бундай совғадан фойдаланиш керак эди-ку! Германия ҳимояси деярли майдон марказидан бош билан тўпни орқага - дарвозабонга узатаётганида Игуаин ўша "офсайд" томонларда юрганди. Гонсалода турли вариантлар бор эди. У олдинроққа юриши, дарвозабонга яқин бориши мумкин эди. Аммо у жарима майдончаси чизиғи устидан дарҳол зарба беришга қарор қилди ва ноаниқ зарба берди! |
| 19' |
|
Крамер сафга қайтди |
| 18' |
|
Кристофф Крамер тўқнашув пайтида жароҳат олди. Унга тиббий ёрдам кўрсатилди |
| 17' |
|
Лам тўпни жарима майдончасига кириб борган Клозега узатди, аммо Мирослав қаршисида турган бир ҳимоячини алдаб ўта олмади |
| 15' |
|
Германия бурчак тўпини ўйинга киритди. Тўп қайтарилди ва Энцо Перес ўз жарима майдончаси олдидан тўпни майдонннинг рақиб томонига олиб ўтди. Ўзил уни охиригача таъқиб қилди |
| 14' |
|
Жарима зарбаси жонли деворга тегиб қайтди |
| 14' |
|
Демичелис Клозега нисбатан ўйин қоидасини бузди. Дарвозагача 24 метрлар... |
| 13' |
|
Лам ўнг қанотдан тўпни дарвозабон майдончаси чизиғи усти томон узатди. Клозе тўпга бироз ета олмади |
| 11' |
|
Вуууууҳ, бугун Аргентина шунчаки ҳимояда ётмоқчи эмас! Немислар озгина имкон беришса, улар ҳужумга ўтишади! Аргентина бурчак тўпини ўйинга киритди. Нойер тўпни эгаллаб олди |
| 9' |
|
Лео Месси майдон марказидан ўнг қанот бўйлаб Хуммельсдан икки марта ўтиб кетди ва жарима майдончасига кириб келиб, тўпни орқароққа узатди. Тўп аргентиналикларгача етиб келмади. Боз устига, Мессида вариант кўп эмасди. Сабелья шогирдлари жарима майдончаси ичида камчиликни ташкил қилишди |
| 6' |
|
Германия терма жамоаси бошланғич таркибида ўзгариш юз берган. Сами Хедира жароҳат туфайли майдонга туша олмади. Ўйинни Кристоф Крамер бошлади |
| 5' |
|
Германиянинг ҳужуми! Ўзил жарима майдончасининг ўнг томонидан тўпни чап томондагига узаётганди, тўп у томонга ўтмади ва ҳимоячига тегиб, дарвозабонга келиб тушди |
| 4' |
|
Жарима зарбаси жонли деворга тегиб қайтди ва аргентиналик тезда қарши ҳужумга ўтишди. Игуаин жуда ҳам ўткир бурчак остида зарба йўллади. Ноаниқ |
| 4' |
|
Немислар тўп атрофида "мажлис" ўтказишмоқда... |
| 3' |
|
Рохо жарима майдончаси ташқарисида Мюллерга нисбатан ўйин қоидасини бузди! |
| 2' |
|
Немислар илк марта тўпни жарима майдончасига олиб киришди. Аргентиналиклар тўпни қайтаришди |
| 2' |
|
Ўйин бошиданоқ кўриниб турибди, Аргентина бугун ҳимояда жуда зич ўйнайди! |
| 1' |
|
ЎЙИН БОШЛАНДИ! КЕТДИК! ОМАД БАРЧАГА! |
| ' |
|
Ўйинни бошлаш учун барча нарса тайёр! |
| ' |
|
ГЕРМАНИЯ давлат мадҳияси янгради. Энди навбат АРГЕНТИНА гимнига! |
| ' |
|
Бугунги ўйинни Эрматов бошқариши керак эди! У билан гўзалроқ ва қизиқарлироқ бўларди ФИНАЛ! |
| ' |
|
Диққат қилинг, ГЕРМАНИЯ ва АРГЕНТИНА терма жамоалари "МАРАКАНА" майдонида ФИФА фейр-плей мадҳияси садолари остида! |
| ' |
|
Германия ўзининг оқ рангли (кўкрагида қизил ҳошияси бор), Аргентина эса тўқ кўк рангли футболкалаарда ўйнайди |
| ' |
|
Бугун Германия ва Аргентина терма жамоалари олтиндан бўлган мана шу кубок учун баҳс олиб боришади! |
| ' |
|
Испания терма жамоаси етакчиси жаҳон КУБОГИни "Маракана" стадионига олиб чиқиб келмоқда! |
| ' |
|
Жамоалар майдонда чигалёзди машғулотини ўтиб бўлишди ва кийиниш хонасига йўл олишмоқда |
| ' |
|
Машҳур "Маракана" стадионида турнирнинг ёпилиш маросими бўлиб ўтмоқда. |
| ' |
|
Ким чемпион: Германия ёки Аргентина, бу саволга айнан бугун аниқлик киритамиз. Бунинг учун бизга 90 дақиқалик ўйин етарли бўладими, ёки 120 дақиқа, балки пенальтилар серияси. Кўрамиз |
| ' |
|
Барчангизни Жаҳон чемпионатининг финал учрашувидан ташкил этиладиган матнли онлайн трансляциямизни кузатиб боришга таклиф этаман |
| ' |
|
АССАЛОМУ АЛАЙКУМ, ҚАДРЛИ ФУТБОЛ МУХЛИСЛАРИ |
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|