Murod Rizayev
O‘zganing haqi buyurmas, nohalol g‘alaba tatimas
«Эл-классико»га тахминим: учта гол бўлади ва омадли жамоа ғалаба қозонади
| Баҳо: |
+0; -0
|
«Реал» ва «Барселона» жамоалари ўртасидаги учрашувга тахмин сўрашса, тўғриси жуда қийналаман. Тахмин қилишдан эмас, «Реал» жамоаси мухлисларининг нотўғри тушуниб қолишларидан. «Реал» жамоасини дунёнинг энг кучли ва энг буюк жамоаларидан бири сифатида тан оламан. Бу жамоага ва унинг мухлисларига ҳурматим баланд. Бу жамоани танлаганликларининг ўзи футболни жуда яхши тушунишларидан, севишларидан далолат бериб турибди. Лекин улар ҳам мени тўғри тушунишларини хоҳлардим. Голларда ва хавфли вазиятларда эҳтиросларга берилишимдан мени ўша ютган ёки ютаётган жамоага мухлислик қилаяпти деб ўйлашади. Мисол учун, «Бунёдкор» ютса, «Бунёдкор»га, «Олмалиқ» ютса, «Олмалиқ»қа, “МЮ” ютса, “МЮ”га мухлислик қилдинг деб айтишади. Ҳаттоки «Реал» - “Валенсия” ўйинида “Мурод ака «Реал»чи экан”, деганлар ҳам бўлди. Лекин холислик ҳақида устозларимиз 1995 йилдаёқ ўргатишган. Мен чиройли, жозибали ўйин тарафдориман. Фақатгина вазиятларда эҳтиросларга берилишимдан мухлислар учун шундай туюлса керак. Лекин шундай бўлса-да қайси жамоа мухлисларининг кўнглини ранжитган бўлсам, мен улардан узр сўраб қоламан. Бундай ҳолатлар шарҳ жараёнида кутилмаганда содир бўлади.
Иккинчидан, ҳар бир инсоннинг ўз караши ва ўз фикри бўлади ва бу қараш, бу фикр бошқа фикрлар билан мутаносиб келмаслиги мумкин. Энг асосий сабаби эса «Барселона»ни кучлироқ деб билишим, жуфтликларда «Барселона»нинг ғалабасини кўпроқ тахмин қилишим, деб ўйлайман. Энди ўзингиз айтинг, кучлироқ деб ҳисоблаётган жамоангизга қандай қилиб мағлубиятни тахмин қилишингиз мумкин? Ахир бу сохта фикр бўлиб қолмайдими? Тўғри, тан оламан “МЮ”га меҳрим баланд, «Барселона» жамоасининг ўйинидан эса завқ оламан. Айниқса, Иньестанинг ўйинлари кишига мароқ беради. Лекин бу жамоалар ютқазса, ўйини қовушмаса бемалол танқид қилишим мумкин. Вараннинг “Барса”га урган голидаги эҳтиросим табиий эди. Ва ўз-ўзидан яхши ўйнаётган «Барселона» футболчиларини ҳам мақтамаслик нотўғри. Қайси жамоа яхши ўйнаса, ўша жамоа мақталади. Қайси ўйинчи яхши ўйнаса, у ҳақида илиқ гаплар айтилади. Мана, мисол учун, Азар аллақачон «асар» ёзишни бошлаб юборган. Уни кўкларга кўтариб мақтасам ўша учрашувда “Челси” мухлисига айлантиришади-қўйишади. Блогдаги биринчи мақоладан мақсад “Реал” – “Барселона” ўйинида жамоаларнинг имкониятларини чамалашдан иборат эди, аммо қийин аҳволдаман.
Иккала жамоанинг футболчилари яхши спорт формасида эканлиги жамоаларнинг охирги ўйинларидан куриниб турибди. «Реал» ўз майдонида ўйнаётганлиги унга устунлик ҳам бериши мумкин, ўз навбатида халақит ҳам қилиши мумкин. Бир томондан улар мухлислари кўз унгида ҳужумкор футбол намойиш этишмаса бўлмайди. Иккинчи томондан, дуранг натижа ҳам «Реал»ни қаноатлантиради ва улар дурангга ҳам ўйнашлари мумкин. Мисол учун, тўпни назорат қилиб ёки ўйин темпини секинлаштириб. «Барселона» эса ҳужум қилишга мажбур. Уларни фақат ғалаба қониқтиради. Футболда омад ва ҳакамлик деган тушунчалар ҳам катта аҳамиятга эга. Омад келиб, ютиб кетиш мумкин, ҳакам эса билиб-билмасдан хато эвазига қайсидир жамоанинг мағлубиятига сабабчи бўлиб колиши мумкин. Хуллас, бу ўйиндан ҳар қандай натижани кутса бўлади. Нима десам экан, менинг тахминимча ўйинда 3та гол бўлади. Омадли жамоа ғалаба қозонади. Бу фақат тахмин холос.
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
МУАЛЛИФНИНГ БОШҚА МАҚОЛАЛАРИ
- Мен нечун севаман "Барселона"ни
- ЕЧЛ, тахминим: «Челси», «Реал», «Барселона» ва «Бавария» ярим финалга чиқишади
- «Эл-классико»га тахминим: учта гол бўлади ва омадли жамоа ғалаба қозонади
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
