«ANDIJON» (Andijon)
FUTBOL KLUBI BLOGI
Мавсумдаги илк ғалаба!
| Баҳо: |
+0; -0
|
Ушбу ўйинга хар икки жамоа икки хил кайфиятда етиб келган эди. Мезбонларнинг бу мавсумда умуман ишлари юришмаётган бўлса, аксинча фарғоналиклар халқаро майдонда илк вазифани бажаришган ва ички чемпионатда ҳам хали мағлубиятга учрамаган эдилар.
Андижонлик мухлислар ўз мураббийларидан норози кайфиятда бўлсалар, аксинча меҳмонлар устозлари Юрий Саркисяннинг соғлигини тиклаб олгани фарғоналик мухлисларни кўнгилларини шод қилган эди.
"Легонерларсиз ғалабаларга эришамиз" деган баннер ёзган "Нефтчи" мухлисларини ҳам, андижонлик мухлисларни ҳам ажаблантирган холда Александр Аверьянов майдонга легионерларсиз таркибни туширди.
"Андижон"ликлар ўйинни 5-4-1 таркибида бошладилар. Лочин Долимовнинг "Андижон" таркибидаги Олий лигадаги дебюти бош мураббий илиқ фикрларини билдирди. Унга кейинги ўйинларда ҳам ишонч билдиришини айтиб ўтди. Хақиқатан ҳам Долимовнинг харакатлари барчага маъқул келди. Химоя қўрғони марказида харакат қилган Ильдар Маматказин ва Мақсуд Хаитовнинг кечаги ўйинига барча энг юқори баҳони бера олди. Айниқса иккинчи қаватдаги курашларда рақибларга деярли имконият қолдиришмади. Азиз Жўраев, Азиз Ғуломхўжаев ва Икром Иброҳимовлар рақибларнинг қанотлардан эркин кириб боришини тўса олдилар. Аммо меҳмонлар таркибида жуда фаол харакат қилган Мансур Саидов ва Иқбол Акромовлар кўп холларда ҳимоячиларимизга етарлича ташвиш туғдиришди.
Майдон маркази бира тўла тўрт футболчига топширилди. Ислом Ахмедов дастлаб чап қанотдан ўрин олган бўлсада, аммо кутилмаганда оёғини ноқулай сирпаниши натижасида 27-дақиқада Акбар Ходжаевга алиштирилди. Акбар-Баҳром-Иброҳим ва Рустам Аъзамовлар вазиятга қараб майдон марказида ўз ўринларини алмаштирган холда тўп суришди. Номинал ҳужумчи вазифаси Владимир Шишеловга топширилди.
Биринчи бўлимда вақти вақти билан ёққан кучли ёмғир ўйинни боришига салбий таъсирини кўрсата олди. Халқаро ўйинларда анча тоблана олган меҳмонлар тартибли ўйинлари билан мезбонлар дарвозаси олдида анча хавфли вазиятларни ярата олди. Айниқса 28-дақиқада фарғоналиклар жарима майдончамиз ичида бўлган пала-партишликлардан икки марта деярли бир метрдан жамоамиз дарвозасини аниқ нишонга ола билмади. Буни ўйиндан кейинги матбуот анжуманида Юрий Вазгенович ҳам таъкидлаб ўтди. Вазиятлардан фойдаланиб гол урганган жамоа ғалаба қозонади. Биринчи бўлимда энг эсда қоларли вазият шу бўлди холос.
Юрий Вазгеновичнинг айтишича, жамоаси Иорданиядан қайтиш чоғида аэропортда 18 соат ушланиб қолган. Футболчилар хатто полда ухлашга мажбур бўлишган. Айнан шунинг таъсирида, оғир об-ҳаво шароитида тўп сураётган "Нефтчи" жамоаси аъзолари иккинчи бўлимда жисмонан мезбонларга қаршилик қила олишмади. Иккинчи бўлим эса кучли жала ёққанига қарамай жамоани қўллашга келган хақиқий содиқ мухлисларнинг тинимсиз олқишлашлари таъсирида мезбонларни олдинга ташланиши билан бошланди. Владимир Шишелов дастлаб 50-дақиқада ўнг қанотдан кириб бориб берган зарбаси бир оз ноаниқ бўлган бўлса, орадан хеч қанча ўтмай чалқанча услубда берган зарбасини меҳмонлар дарвозабони хушёрлик кўрсатиб эгаллаб олишга муваффақ бўлди. Вазиятни тўғри баҳолай олган Александр Николаевич майдонга Фарход Тохировни ҳамда 2011 йил 9 мартдан бери майдонга туша олмаётган Расул Рахмоновларни майдонга туширди. Шундан сўнг мезбонлар катта ташаббусга эга бўлишди. Энди жамоамиз аъзолари узоқдан зарба бериб рақиб дарвозабонини хушёрлигини синаб кўришди. Дастлаб Расул Рахмоновнинг ўнг оёқда берган "парашют" услубдаги зарбаси бир оз ноаниқ бўлган бўлса, Баҳром Абдурахимовнинг аниқ ва кучли зарбасига Элдор Исабоев тўғаноқ бўлди. Ўйин тугашига саноқли дақиқалар қолганида Азиз Ғуломхўжаевнинг кутилмаганда 35 метрлардан берган кучли зарбаси айланма траектория олган холда Элдор Исабоевни чалғитишга сабаб бўлди. Ёш дарвозабоннинг бу ерда бир оз тажрибасизлигидан, қайтарилган тўпга биринчи бўлиб етиб келган умидли ҳужумчимиз Фарход Тохиров боши билан "Нефтчи" дарвозасини ишғол қилди. Ўйиннинг қолган вақтида фарғоналиклар ҳисобни тенглаштириш учун харчанд харакат қилишмасин, бу ерда мезбонлар хотиржамлик билан илк ғалабани сақлаб қола билишди.
Дарвоқе, ўйинни бошқарган Равшан Эрматов ўйин тизгинини ўз қўлида ушлаб тура олди. Айниқса баҳсли вазиятларда футболчиларни тинчлантиришда. Агарда бошқа хакам бўлганида бу ўйин қандай бўлиши мумкинлигини тасаввур қилишнинг ўзи даҳшат бўларди. Гарчанд ўйиндан кейин "Ўзбекистонда хизмат кўрсатган мураббий" Юрий Вазгенович ҳакамлардан кўнгли тўлмаган бўлсада, Осиёнинг ва дунёнинг етакчи ҳаками бўлган Эрматовнинг бу ўйин учун баҳосини бемалол аъло дейишимиз мумкин.
Ушбу ғалаба барча андижонлик мухлислар учун аввалги ўйинлардаги аламли мағлубиятларни унутиб юборишларига сабаб бўлди. Мана шуни "Водий дербиси" дейишади. Айнан шунинг учун ҳам бу ўйинларнинг қиймати баланд ҳисобланади. Жамоамиз келажагига ишонч бор. Кейинги икки ўйинни жамоамиз сафарда ўтказади. Рақиблар анча жиддий "Пахтакор" ва "Локомотив". Умид қиламизки жамоамиз сафардаги ўйинларда ҳам мазмунли ўйин кўрсатган ҳолда мухлисларимизни хурсанд қилишади.
Яна бир бор чиройли ғалаба муборак бўлсин азизлар!
ЎзПФЛ
6-тур
АНДИЖОН – НЕФТЧИ 1:0 (0:0) 7341 томошабин
Гол: Фарҳод Тоҳиров (87).
АНДИЖОН: Лочин Долимов, Азиз Ғуломхўжаев, Иброҳим Отахонов (Расул Раҳмонов, 67), Бахром Абдурахимов, Владимир Шишелов, Азиз Жўраев, Рустам Аъзамов (Фарҳод Тоҳиров, 63), Мақсуд Хаитов, Икром Иброҳимов, Илдар Маматказин, Ислом Аҳмедов (Акбар Хўжаев, 27).
НЕФТЧИ: Элдор Исабоев, Шукурали Пўлатов, Ойбек Нурбоев, Шавкат Насибуллаев, Бахтиёр Ёқубов, Мансур Саидов, Павел Смоляченко, Анвар Бердиев (Отабек Исроилов, 64), Сардор Мирзаев, Иқбол Акрамов(Темур Хакимов 87), Дилёрбек Эрматов.
Огоҳлантиришлар: Иброҳим Отахонов (17) И.Иброҳимов (89) - Мансур Саидов (11), Бахтиёр Ёқубов (80)
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Эргашев (Тошкент).
Назоратчи: С. Нажафалиев (Тошкент).
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
МУАЛЛИФНИНГ БОШҚА МАҚОЛАЛАРИ
- «Андижон» - «Пахтакор» 2:4: Матбуот анжумани
- Олий Лига: «Андижон» - «Пахтакор» 2:4. Абдуҳолиқовга аталган кеча
- Эртага 20-турнинг марказий учрашуви + PREVIEW
- Ёшлар лигаси: «Андижон» - «Пахтакор» 3:1
- Мавсумдаги илк ғалаба!
- Бу йил ёшлар мавсумни яхши бошлашди
- Александр Аверьянов: «Мухлислар бизга ишонч билан қарамоқда"
- "Насаф"га қарши тайёргарлик олиб бориляпти
- Айб кимда ёки қаерда?
- Бугун "Динамо" билан ўйнаймиз
- Блогимизга хуш келибсиз!
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
