Kirish Ro'yxatdan o'tish
26/04 00:00 Brayton 0-4 Manchester Siti
26/04 16:00 Tailand 3-3 Tojikiston
26/04 19:00 O‘zbekiston 2-0 Saudiya Arabistoni
26/04 19:00 O‘zbekiston 3-3 Eron
26/04 22:30 Iroq 1-0 Vyetnam
26/04 23:45 Frozinone 3-0 Salernitana
27/04 00:00 Monpelye 1-1 Nant
27/04 00:00 Real Sosyedad 0-1 Real Madrid
27/04 16:30 Vest Xem 2-2 Liverpul
27/04 17:00 Las-Palmas 0-2 Jirona
27/04 18:00 Lechche 1-1 Monsa
27/04 19:00 Man. Yunayted 1-1 Byornli
27/04 19:00 Vulverhempton 2-1 Luton
27/04 19:00 Fulhem 1-1 Kristal Pelas
27/04 19:00 Nyukasl 5-1 Sheffild Yunayted
27/04 19:15 Almeriya 1-3 Xetafe
27/04 21:00 Yuventus 0-0 Milan
27/04 21:30 Everton - Brentford
27/04 21:30 Alaves - Selta
27/04 23:45 Lasio - Verona
28/04 00:00 Aston Villa - Chelsi
28/04 00:00 PSJ - Gavr
28/04 00:00 Atletiko - Atletik Bilbao
28/04 13:00 Tojikiston - O‘zbekiston
28/04 15:30 Inter - Torino
28/04 16:00 Mets - Lill
28/04 16:00 Tailand - Eron
28/04 17:00 Kadis - Malyorka
28/04 18:00 Tottenhem - Arsenal
28/04 18:00 Bornmut - Brayton
28/04 18:00 Loryan - Tuluza
28/04 18:00 Klermon - Reyms
28/04 18:00 Strasbur - Nissa
28/04 18:00 Bolonya - Udineze
28/04 19:15 Granada - Osasuna
28/04 20:05 Renn - Brest
28/04 20:30 Nottingem Forest - Manchester Siti
28/04 21:00 Napoli - Roma
28/04 21:00 Atalanta - Empoli
28/04 21:30 Vilyarreal - Rayo Valyekano
28/04 22:00 Lion - Monako
28/04 23:45 Fiorentina - Sassuolo
29/04 00:00 Marsel - Lans
29/04 00:00 Betis - Sevilya

Blog

Sayoz fikrlar

Ўзбекистон U23 Осиё чемпионатига тайёр эмасми?

Баҳо:
+1; -0

Дангал гапираман, агар шу йигитлар яна шу тактикада (аслида, мен ҳеч қанақа тактика кўрмадим) ўйнадиган бўлса, кўпи билан 4-ўринни оламиз! Арвидерчи Токио-2020!

"Кўп танқид қилмайлик, болаларни руҳиятига таъсир қилади! Бунинг ўрнига йигитларни руҳан қўллаб қувватлайлик!" – дегувчи инсонларга жавобим:

1. Сиз бир соҳа билан камида ҳар куни 10 йил (!!!) шуғуллансангиз, машҳур бўлсангиз, инсонлар нигоҳида бўлсангиз, сизни лойиқ топишиб ТВларда ролик қилиб ёшларга ўрнак сифатида кўрсатишса, қонингиз гупирлаб уриб турган ёшда бўлсангиз, еганингиз олдинда емаганингиз орқада бўлса ва ... шу соҳангизни энг юқори чўққиларига йўл очувчи синов пайти, сиз умуман танимаган, лекин сизни қўллаб-қувватлаб келган миллионлаб инсонлар кўз ўнгида ҳаёжондан оёқларингиз қалтираб, ўз соҳангизга доир ишни кулгили бажарсангиз, сизни бундан кейин қўллаб қувватлаб келишлари керакми?! Хўп, маҳоратингиз камроқ ва жисмонан кучингиз камдир, лекин иштиёқ кўринмаяптида, оғалар...

2. Сиз шундай ёшдасизки (23 ёш!), айнан жисмонан чарчоқ нималигини бошқалардан кўра, айнан сизда энг охирида пайқашимиз керак. Сиз шунча йиллар (камида 10 йил), нима билан шуғулландингиз?! Агар БААга қарши яна шундай ланж ва қўрқиб ўйнайдиган бўлсангизлар, касб танлашда адашибсизлар, укалар!

3. Хўп, Друлович тажрибасиз экан, сизларни айримларингиз, бундан 2 ой олдинги Ўзбекистон миллий жамоасида Қирғизистонга қарши ўйинда туппа-тузук эдингизларку?! Икки ойда бор куч ва маҳоратларингни 2019 йилга ташлаб келдиларингми?!

Мужик, ҳозир сенинг тақдирингда жаҳон футболи тарихига кириш имконияти ва эшиклари ланг очилиб турибди, ҳозир шу эшикни ёнида турган рақибларни суриб, эшикни тепиб кирадиган паллада, шовласифат ланж ҳаракатлар билан омадни кутяпсанми?! Омад келмайди, у белида белбоғи борларга кулади!

Мен шу жамоамизни Эрон, Мисрга қарши кечган ўртоқлик ўйинларини кўриб, “агар шу йигитларимизни, жисмоний ҳолатларини январда пик формага чиқара олишса, камида финалда ўйнашади” деган фикрга келувдим!

Мен чемпионлик учун фаворитлар қаторига киритган японларни бу турнирда қовун туширишларини, эронликларни аксинча кучайишини билмай шу фикрга келгандим..

Эронлик, ироқлик йигитларга ачиндим... Бири 4 очко ва яна бири 3 та дуранг билан қолиб кетишди! Асосийси, уларда иштиёқ бор эди ва 95-дақиқагача курашишди.

“Эээ, профессионал футболчи бўлмаган одам, футболчининг муаммо ва дардини қаердан билади?!” — деган фикр пайдо бўлса, жавобим:

Нима деб ўйлайсиз, Ироқ, Иордания, Таиланд ички чемпионати, бизнинг чемпионатдан кучлими?! Уруш туфайли умуман ички чемпионати йўқ Сурия йигитларини қонларини ранги кўк рангдами ёки улар допинг ишлатишяптиларми?!

Хуллас, тушунганим:

1. Жамоа на функционал, на жисмонан, на тактик жабҳада бу турнирга тайёр бўлиб келган. Хўп, йигитларимиз ўз клубларида ва Олимпия жамоасида кўп ўйин ўтказишган бўлса, буни назорат қиладиган ва жамоанинг жисмоний ҳолатига жавоб берадиган мураббийлар штаби нега бунинг олдини олмади, агар олдини олишни билмаса ёки шу вазиятга ечим топмаса, уларнинг нима кераги бор?! Нима, сизнингча ҳозирги турнирда, яхши формада келишган бошқа кучлироқ чемпионатларда ўйнайдиган йигитлар (карислар, эронликлар, австралияликлар, саудлар) бирор яширин стереоидлар қабул қилишадиларми?! Агар, улар ҳар куни махсус витаминли соклар ичиб, организмларидаги ҳар қандай ўзгаришларни компьютер, роботлар ёрдамида назорат қилиб туришади демоқчи бўлсангиз, бу гапни бизни ўзбек боксчиларимизни мураббийларига айтганингиз маъқул!  Ўлимдан бошқа ҳар қандай муаммога ечим бор, айниқса ҳозирги интернет туфайли ахборотларга тўла оламда!

2. Инсон — ўз кучига ишонмасагина ҳаяжонланади! Бу руҳий кечинмалар билан боғлиқ! Мураббий — худди ижобий маънода машҳур, буюк инсонларнинг орқасида турган устозлар, рафиқаларга ўхшайди! Оптимист ва тажрибали устоз, рафиқалар ёрдамида эркаклар ўз соҳаларида катта ютуқларга эришадилар, эрлар катта мавқеиларни забт этишадилар! Сабаби, уларни қийин вазиятларда руҳан ва маънан қўллаб-қувватлаб турадиган елкадошлар бор! Профессионал психолог! Бу бизнинг футбол бўйича ҳар қандай ёшдаги жамоаларимизда “халта” мавзу! Инсоннинг ўзига бўлган ишончни янада кучайтириш, ёлғондан бўлса ҳам чўққини забт этиш аслида рўё ишлигини профессионал психолог уддалайди! Сабаби, у сиз билан битта тилда гаплашади, сиздаги муаммони аниқлайди ва айнан шу муаммо бўйича керакли маслаҳатни аввал сизга кўрсатиб, ишонтириб кейин беради! Чунки у профессионал! Ана, мен таниган шахсий ва жамоавий психолог Бобоёр ака Тўраевни таклиф қилишсин, керак бўлса 1 сум олмай, жамоани руҳий муаммосини аниқлаб, кейин жамоавий тренинглар қилиб, жамоани 1 та организмга айлатириш учун натижа кўрсатади.

3. Абдувоҳид Неъматов, Ислом Қобилов, Абдулла Абдуллаев — руҳан бу турнирга умуман тайёр эмаслар!!

Ҳожиакбар Алижонов, Азиз Ғаниев, Бобур Абдухолиқов жисмонан чарчоқ ҳолатда турнирга келишган! Друловични штабидагилар жисмоний ҳолатга ЖАВОБГАР мураббийларга саволлар бор бўлса, кўриб қолсангиз берарсизлар...

Машҳуржон Муҳаммаджонов, Низомитдин Зиёвутдинов, Дилшод Саитов, Шароф Муҳиддинов, Шерзод Насруллаев, Аброрбек Исмоилов, Ойбек Рустамов, Ислом Кенжабоев, Достон Ибрагимов – бу футболчилар Таиландга нима учун олиб келинди?! - бу энди "Жон Ф. Кеннедининг асл қотили ким?" туркумидаги саволлар сирасига киради.

Жасурбек Яхшибоев – молодец, қўлидан келадими йўқми, хитой бўладими, карисми, эронликми – финти чиқса-чиқмаса 2-3 тасини алдайман дейди! Дух потолокгача! Яшавор! Тўғри, шу дриблинглари туфайли жамоа зарар кўриши мумкин, лекин Жасур бироз совуққонроқ ўйнаса, 2-3 рақибни ўзига жалб қилиб, шундай ювелир пас бера оладики, бу пасдан 15 ёшли болакай ҳам гол ура олади!

Санжар Қодирқулов – боринга шукр жигар!! Агар ярим жамоа сендай югуриб, тиришиб ҳаракат қилганида, гуруҳни ўзида камида 7 очко олган бўлардик!

Ойбек Бозоров – шу турнирда шу жамоада, мен учун кашфиёт! Ойбек қамчини босавер! Сени эслаб қолишади скаутлар!

Илҳом Алижонов, Ҳусниддин Алиқулов – жамоада, ўйиндан ўйинга ўсган йигитлар! Бўшашманглар!

Нурилло Тўхтасинов, Миржаҳон Мираҳмадов – бу йигитлар ҳақида фақат “қўрқмай ўйнанглар, йигитсизлар, омад йигитларни яхши кўради!” дейман холос!

Биламан, кўп ва ҳўп ёзиб юбордим..

Пииип (ёмон сўз) шу турнирни камида 2 йил кутасан, йигитларни турнир олди ўйинларини кўриб қувонасан ва турнир бошланиши билан яна пииип...

Хуллас, Друловичга ва уни штабига ишончим йўқ.

Айтар сўзим:

Йигитлар, ўзларингни ўзларинг енга олсаларингиз, Токиога борасизлар!! Агар хоҳиш қолган ёки бор бўлса, албатта!

Қолганларга ва ўзимга эса – бу бир ўйин, холос! Бу ўйинлар туфайли Ватанимни ёмон кўриб қолмайман, аксинча, бу ўйинлардан ҳам муҳим тушунча ва қадриятлар бор деб қоламан!

Ўзимиз ва яқинларимиз учун Омон бўлайлик!

p.s. Verbosity is a burden for a donkey! – Беданага сув бериш, эсдан чиқмасин! ))

Фурқат Қурбонов

Киритилган сана: 18.01.2020 09:57. Ўкилди: 2473 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.