The Referee
Hakamlik va o‘yin qoidalari
«Севилья» — «Барселона». Мессига сариқ карточка тўғри кўрсатилдими?
| Баҳо: |
+0; -0
|
Испания чемпионатининг 11-тури доирасида «Барселона» сафарда «Севилья»га қарши баҳс олиб борди ва ғалаба қозонди (2:1). "Рамон Санчес Писхуан" стадионида бўлиб ўтган ўйиннинг сўнгги дақиқаларида Лионель Месси, назаримизда, фаолиятидаги энг ғалати сариқ карточкасини олди.
ВАЗИЯТ
Мезбонлар футболчиси Нзонзи тўп билан югуриб кетаётган аргентиналик футболчининг бутсасини босиб олди ва Мессининг оёқ кийими ечилиб кетди. Ҳакам ўйинни тўхтатди ва «Севилья» футболчисига огоҳлантириш берди. «Барселона» етакчиси майдонда ўтирган ҳолда бутсасини кийишга уринди, аммо у ҳа деганда бунинг уддасидан чиқавермади. Шунда ҳакам ундан оёқ кийимни майдон ташқарисида кийишни сўради. Лионель майдон чети томон кетаётганида эса ҳакам унинг ортидан келди ва сариқ карточка кўрсатди...
Каталонияликлар ўз етакчиларига берилган огоҳлантиришнинг бекор қилинишини сўраб, Испания футбол федерациясига апелляция берди. "Барселона" раҳбарияти ушбу ўйинда ҳакам Мессига сариқ карточкани ноҳақ кўрсатган деб ҳисоблайди. Уларнинг фикрича, ҳужумчи бутсасининг боғичи узилиб кетганди ва шу боис ўйинчи оёқ кийимини тезда тартибга келтира олмаган.
Ўйин ҳаками Сантьяго Хайме Латре ўзининг ҳисоботида Аргентина терма жамоаси сардорига сариқ карточкани майдонни тарк этишни истамагани учун берганини ва футболчи шундан сўнг оёқ кийимини тартибга келтира бошлаганини ёзган.
Аввал вазият видеолавҳасини томоша қиламиз ва шундан сўнг таҳлилга ўтамиз.
ЕЧИМ
Аввало футболчига сариқ карточка кўрсатиш учун етарли асос бўлиши керак. Баҳсли карточкалар футбол оммаси томонидан қабул қилинмайди.
Агар футболчи ҳали майдонда ўтирганида ва ҳакам билан тортишганида (ёки норозилик билдирса) ҳамда бунинг учун огоҳлантириш берилганида — буни тушуниш мумкин эди. Лекин ҳакамнинг талаби билан майдонни тарк этаётган футболчига кўрсатилган сариқ карточка футболчилар ва клуб раҳбариятининг норозилигига сабаб бўлади.
Шунингдек, ФИФА инструкциясида огоҳлантириш бериш шарт бўлмаган вазиятларда карточка мурожаат қилмаслик ва ҳакам кўпроқ ўзининг инсонларни бошқариш қобилиятини ишга солиб, футболчилар билан тарбиявий иш олиб бориш тавсия қилинган.
Агар шундай ҳолатлар учун кўрсатилган сариқ карточка иккинчиси бўлиб чиқадиган бўлса, вазият янада кескинлашади ва ҳакам ўзининг ҳақлигини исботлаши қийин кечади. Демак, шарт бўлмаган вазиятларда карточка кўрсатмаган маъқул.
Юқорида айтганимиздек, «Барселона» Мессининг сариқ карточкаси юзасидан аппеляция берди. Ҳозирча Испания футбол федерацияси ушбу шикоят юзасида қарор чиқармади.
Бизнинг хулоса эса — ҳакам мазкур вазият учун ўйинчига огоҳлантириш бермаслиги керак эди.
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
МУАЛЛИФНИНГ БОШҚА МАҚОЛАЛАРИ
- Таҳлил қиламиз: Шамол тўпни жарима майдончасига қайтарса...
- «Севилья» — «Барселона». Мессига сариқ карточка тўғри кўрсатилдими?
- Европа лигаси. «Саутгемптон» – «Интер». Тўп қўлга теккан вазиятни таҳлил қиламиз
- «Кристал Пэлас» — «Ливерпуль» ўйинида гол ҳисобга олиниши керакми ёки йўқ?
- Мессининг «Валенсия» дарвозасига урган голида офсайд бормиди?
- Тўп дарвозабон бош билан етказилганда
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
