Madridning "Real" klubi sobiq yarim himoyachisi Toni Kroos Ispaniya chempionati doirasida "Barselona"ga qarshi o‘tkazilgan "el-klasiko"da madridliklar namoyish etgan o‘yinga baho berdi.
Nemis futbolchisining fikricha, "qirollik klubi" ushbu uchrashuvda katta jasorat ko‘rsatgan va g‘alaba uchun bor imkoniyatini ishga solgan.
"Mourinyo va "Real" "Kamp Nou"da aqlbovar qilmas jasorat ko‘rsatdi. Bu "el-klasiko" so‘nggi paytlardagi o‘zaro to‘qnashuvlardan ancha farq qildi. "Real" hujumchilari himoyada ham juda yaxshi ishlashdi va vaziyatlarga to‘g‘ri munosabat bildirishdi. Ayniqsa, "Barselona" gol urganidan keyin bu yaqqol sezildi. Chunki ularni durang natija qoniqtirmasdi", — deya Kroosning so‘zlarini keltiradi Madrid Xtra.
Eslatib o‘tamiz, 25 oktyabr kuni La Liganing 10-turi doirasida bo‘lib o‘tgan "el-klasiko"da "Real" safarda "Barselona"ni 2:1 hisobida mag‘lub etdi.
Ayni paytda madridliklar 24 ochko bilan Ispaniya chempionati turnir jadvalida uchinchi o‘rinni egallab turibdi. "Barselona" esa 27 ochko jamg‘argan holda peshqadamlikni saqlab qolmoqda.
