AFP агентлигининг хабар қилишича, “Реал Мадрид” жамоаси ва шахсан Криштиану Роналду етим қолган 5 ёшли фаластинлик Аҳмад Давабша билан учрашади.
Аҳмад Давабшанинг ота-онаси ва акаси исроиллик экстримистлар томонидан уюштирилган портлаш оқибатида вафот этган. 5 ёшли болакай эса омон қолган. Аҳмад Давабша даҳшатли воқеадан сўнг 10 маротаба жарроҳ столига ётишга мажбур бўлди. Портлаш оқибатида унинг танасидаги аксарият қисми куйиб кетган.
Фаластин футбол федерацияси раҳбари Жибрил Ражуб Мадрид клубининг ушбу соҳоватли ишга қўл ургани учун миннатдорчилик билдирди. Маълумотларга кўра, “Реал Мадрид” футболчилари ва 5 ёшли Аҳмад Давабша билан учрашув 17 март куни бўлиб ўтади.
