Кеча ўзбек жамоаларининг ОЧЛ 1/8 финалларида қайд этган натижалари ҳақида тўхталиб ўтган эдик. Энди эътиборингизга клубларимиз ушбу мусобақадаги энг сара фактларни ҳавола этамиз.
1/8 финалга чиққан илк ўзбек жамоалари - "Бунёдкор" ва "Пахтакор" (2009 йил). 1/8 финалда гол урган илк ўзбек футболчиси: Зайниддин Тожиев (2009 йил). 1/8 финалда ўйнаган ўзбек жамоалари: "Бунёдкор", "Пахтакор" ва "Локомотив". 1/8 финалда ўзбек жамоалари кўрсатган натижалар: 10 та ўйин, 3 та ғалаба, 1 та дуранг, 6 та мағлубият. Тўплар нисбати 6-14. 1/8 финалда ўзбек жамоалари билан энг кўп рўпарў келган жамоа: "Ал Ҳилол" 2 марта. 1/8 финалда ўзбек жамоалари "Ал Ҳилол" дарвозасига биронта гол урмаган. 3 та ўйин, 3 та мағлубият. Тўплар нисбати 0-7. 1/8 финалда энг кўп ўйин ўтказган ўзбек жамоаси - "Бунёдкор" 8 та ўйин, 2 ғалаба, 1 дуранг, 5 та мағлубият. Тўплар нисбати 4-12.
Шаҳзод Холбоев тайёрлади
