Хабарингиз берганимиздек, эртага Осиё Чемпионлар Лигаси 1/8 финал босқичи жавоб учрашувлари доирасида Тошкентнинг “Локомотив” клуби Саудия Арабистонининг “Ал Ҳилол” жамоасига қарши баҳс юритади.
Бугун ҳар икки жамоа устозлари иштирокида матбуот анжумани ўтказилди. Шунингдек, кечки пайт ҳар икки клуб ҳам ўйинолди расмий машғулот ўтказишди. SPORTS.uz жамоаси доимгидек ушбу жараённи бевосита воқеа жойидан кузатди. Қуйида “Ал Ҳилол”нинг машғулотидан олинган фотосуратларни эътиборингизга ҳавола этамиз.
Дастлаб “Ҳилол” футболчилари машғулот ўтказишди.
Машғулот соат 18:00да “Бунёдкор” стадионида бошланди.
Унинг дастлабки 15 дақиқаси ОАВ вакиллари учун очиқ бўлди.
“Ҳилол” футболчиларининг кайфиятлари чоғ. Улар эртага ғалабага умид қилишмоқда.
Барча ўйинчилар машғулот жараёнини хушчақчақ оҳангда ўтказишди.
