"Real" va "Barselona" Yevropaning boshqa ko‘plab klublari qatori "Bavariya" direktorlari kengashi raisi Karl-Xayns Rummeniggening FIFA prezidenti Janni Infantino nomiga yozgan xatini qo‘llab-quvvatlamagan.

Rummenigge Yevropa klublari assosiasiyasi nomida yozgan xatida JCH ishtirokchilari sonining kengayishiga mutlaqo qarshiligini bildirgan.

"Barselona" prezidenti Jozep Bartomeu, "Real" prezidenti Florentino Peres va Italiyaning bir necha klublari rahbarlari Rummeniggening xati mazmunidan ajablanganlar va uning tashabbusidan uzoqlashganlar.

Jahon chempionatlari ishtirokchilari sonini 2026 yildan boshlab 40 yoki 48tagacha yetkazish qarori 10 yanvar kuni qabul qilinishi kutilyapti.