"Реал" ва "Барселона" Европанинг бошқа кўплаб клублари қатори "Бавария" директорлари кенгаши раиси Карл-Хайнц Руммениггенинг ФИФА президенти Жанни Инфантино номига ёзган хатини қўллаб-қувватламаган.

Румменигге Европа клублари ассоциацияси номида ёзган хатида ЖЧ иштирокчилари сонининг кенгайишига мутлақо қаршилигини билдирган.

"Барселона" президенти Жозеп Бартомеу, "Реал" президенти Флорентино Перес ва Италиянинг бир неча клублари раҳбарлари Руммениггенинг хати мазмунидан ажабланганлар ва унинг ташаббусидан узоқлашганлар.

Жаҳон чемпионатлари иштирокчилари сонини 2026 йилдан бошлаб 40 ёки 48тагача етказиш қарори 10 январь куни қабул қилиниши кутиляпти.