Мадриднинг «Атлетико» клуби ҳужумчиси Хулиан Альварес ўз хатти-ҳаракатларидан пушаймон.

Аргентиналик футболчи «Барселона»га трансфер қилинишига эришмоқчи бўлган эди, бироқ «матрасчилар» ўз сўзида қатъий турди — улар «кўк-анорранглилар» билан музокаралар олиб бориш ниятида эмас. El Larguero маълумотларига кўра, Альварес жамоадошларига хатога йўл қўйганини айтган. 26 ёшли футболчи илк бор ўзини нотўғри тутганини тан олди. шунингдек, ҳужумчи «Атлетико» ўйинчиси бўлиб қолар экан, майдонда бор кучи билан ўйнашда давом этишига ишонтирди.

Миш-мишларга ишонадиган бўлсак, «Барселона» ҳали ҳам ёзги трансфер ойнаси ёпилгунига қадар Хулиан Альваресни ўз сафига қўшиб олишдан умид узгани йўқ.