Бир неча йил олдин «Манчестер Сити» молиявий қоидаларни 115 марта бузганликда айбланган эди. Жума куни «шаҳарликлар» 114 та қоидабузарлик бўйича айбдор деб топилгани ҳақида маълумот пайдо бўлди. Премьер-лиганинг топ-клуби учун жазо ҳали белгиланиши керак, бундан ташқари «Сити» апелляция бермоқчи.

Бу орада, Испаниянинг Sport нашри хабар беришича, бутун футбол Европаси «Манчестер Сити» атрофидаги вазиятни диққат билан кузатиб бормоқда. Клуб жиддий спорт ва иқтисодий оқибатларга дуч келиши мумкин. «Реал» президенти Флорентино Перес бундан фойдаланиб, Мадридга уч футболчини олиб ўтиши мумкин.

«Реал»нинг «Манчестер Сити» футболчилари орасидаги бош нишони Эрлинг Холанд ҳисобланади. Матбуот норвегияликни анчадан бери «қаймоқранглилар» билан боғлаб келмоқда. Тўғри, ҳозирги вақтда ҳужум чизиғи тўлиб кетгани сабабли Холаннни «Реал» таркибига сиғдириш қийин бўлади.

Шунингдек, Перес «Манчестер Сити»нинг Райан Шерки ва Йошко Гвардиол каби футболчиларини ҳам кузатиб бормоқда.