Bir necha yil oldin «Manchester Siti» moliyaviy qoidalarni 115 marta buzganlikda ayblangan edi. Juma kuni «shaharliklar» 114 ta qoidabuzarlik bo‘yicha aybdor deb topilgani haqida ma’lumot paydo bo‘ldi. Premyer-liganing top-klubi uchun jazo hali belgilanishi kerak, bundan tashqari «Siti» apellyasiya bermoqchi.

Bu orada, Ispaniyaning Sport nashri xabar berishicha, butun futbol Yevropasi «Manchester Siti» atrofidagi vaziyatni diqqat bilan kuzatib bormoqda. Klub jiddiy sport va iqtisodiy oqibatlarga duch kelishi mumkin. «Real» prezidenti Florentino Peres bundan foydalanib, Madridga uch futbolchini olib o‘tishi mumkin.

«Real»ning «Manchester Siti» futbolchilari orasidagi bosh nishoni Erling Xoland hisoblanadi. Matbuot norvegiyalikni anchadan beri «qaymoqranglilar» bilan bog‘lab kelmoqda. To‘g‘ri, hozirgi vaqtda hujum chizig‘i to‘lib ketgani sababli Xolannni «Real» tarkibiga sig‘dirish qiyin bo‘ladi.

Shuningdek, Peres «Manchester Siti»ning Rayan Sherki va Yoshko Gvardiol kabi futbolchilarini ham kuzatib bormoqda.