«Manchester Siti» himoyachisi Abduqodir Husanov klubini almashtirishi mumkin.

Jurnalist Sebastyen Vidal ma’lumotiga ko‘ra, o‘zbekistonlik futbolchining transferiga Londonning «Chelsi» klubi qiziqish bildirmoqda.

Manba ta’kidlashicha, Husanov takliflarni ko‘rib chiqishga tayyor. Bunga sabab — «Manchester Siti»ning yangi bosh murabbiyi Enso Mareska uni o‘zi uchun odatiy bo‘lmagan pozisiyada o‘ynatayotgani va bu futbolchiga ma’qul kelmayotgani.

Shuningdek, Mark Brus ma’lumotiga ko‘ra, Husanovni Angliya Premyer-ligasining yana uchta klubi ham kuzatib bormoqda.

«Manchester Siti» 22 yoshli himoyachini 2025 yil boshida «Lans»dan 40 million yevroga sotib olgan edi.

Joriy mavsumda Husanov barcha musobaqalarni hisobga olganda 6 ta uchrashuvda maydonga tushdi, ammo hozircha gol yoki golli uzatma bilan ajralib turmadi.

Transfermarkt portali Abduqodir Husanovning bozor qiymatini 50 million yevroga baholamoqda.