«Manchester Siti»ning moliyaviy qoidalarni buzgani bo‘yicha bir necha yildan beri davom etayotgan ishda klub 115 ta ayblovdan 114 tasi bo‘yicha aybdor deb topildi. The Athletic xabar berishicha, jamoaga nisbatan jazo hali belgilanmagan.
Klub jarima, ochkolardan mahrum qilish, hatto Premyer-ligadan chiqarib yuborilish kabi jazolarga duch kelishi mumkin. Biroq «Manchester Siti» apellyasiya berishi kutilmoqda, shu sababli ish bo‘yicha yakuniy qaror hali chiqmagan.
Klub avvalroq moliyaviy qoidalarni buzgani haqidagi ayblovlarni rad etib, jiddiy muammolar yo‘qligiga ishonch bildirgan edi. Ayni paytda «Manchester Siti» Premyer-ligada besh turdan so‘ng peshqadamlik qilmoqda.
