«Манчестер Сити» ярим ҳимоячиси Родрининг келажаги ҳали ҳам ноаниқлигича қолмоқда. Испаниянинг Sport нашри Sky News маълумотларига таяниб хабар беришича, футболчи «Барселона»га ўтиш учун ўз клубига босим ўтказмоқчи эмас.

Манбага кўра, Родри «Манчестер Сити» раҳбариятига, агар «Барселона» унинг трансфери учун талаб қилинаётган маблағни тўламаса, жамоада қолишга тайёр эканини билдирган.

Бундай ҳолатда испаниялик ярим ҳимоячи амалдаги шартномасининг сўнгги йилини «Манчестер Сити» сафида ўтказишга рози. Родри трансфер масаласида «шаҳарликлар» билан зиддиятга бориш ниятида эмас.

Родри «Манчестер Сити» сафида етти мавсумдан буён тўп суриб келмоқда. Шу вақт ичида у барча мусобақалар доирасида 298 та учрашувда майдонга тушиб, 28 та гол урган ва 32 та голли узатмани амалга оширган.