Португалия терма жамоаси бош мураббийи Жорже Жезуш ҳужумчи Криштиану Роналдунинг миллий жамоадаги келажаги борасидаги режалари ҳақида гапирди.

«Нима бўлишини билмайман. Менга маълум бўлишича, ҳамма нарса очиқ. Криштиану ўз ҳаётини ўзи ҳал қилади. Агар Роналду навбатдаги чақирувда терма жамоага келмоқчи бўлса, нима учун бундай бўлмаслиги керак? Аразми? Ҳеч қандай араз йўқ, бу тушунмовчилик эди. Менимча, буни осонгина ҳал қилиш мумкин. Қачон ҳал қиламан? Билмайман. Ўйин тугади, шундан кейингина барчаси қандай якунланишини биламиз.

Мен у билан гаплашмадим. Аслида бу нотўғри ҳал қилинган масала эди, муаммонинг ўзи йўқ эди. Бу ҳеч нарсадан пайдо бўлди ва охир-оқибат шу натижага олиб келди. Мен терма жамоа мураббийиман, бош мураббийман. Мен яхлит тизимнинг бир қисмиман. Агар кимдир миллий жамоа учун нимаси яхшироқ экани ҳақида ўз фикрини билдирмоқчи бўлса, мен ҳар қандай таклифга очиқман.

Биз терма жамоага биринчи чақирувдан олдин мулоқот қилган эдик. Агар у қизиқиш билдирса, иккинчи чақирув олдидан яна мулоқот қиламиз. Мен Криштиану билан бир йил давомида ишладим. Бизда жуда мустаҳкам профессионал дўстлик бор», — дея Жезушнинг сўзларини келтиради Record.