Криштиану Роналду яна Португалия терма жамоаси сафида майдонга тушиши мумкин. 41 ёшли ҳужумчининг миллий жамоага қайтиши келаси йилга кутилмоқда.
The Touchline португалиялик журналист Мигел Перейра маълумотига таяниб хабар беришича, айни пайтда томонлар ўртасидаги вазиятни ҳал қилиш учун муайян қадамлар ташланмоқда. Музокараларда Роналдунинг яқинлари, бош мураббий Жорже Жезуш вакиллари ҳамда Португалия футбол федерацияси иштирок этмоқда.
Бундан ташқари, Роналду профессионал фаолиятидаги 1000-голини айнан Португалия терма жамоаси сафида уришни хоҳламоқда.
Роналду сентябрь ойи охирида Жезуш билан юзага келган можародан сўнг Португалия терма жамоаси қароргоҳини тарк этган эди. Бундан аввал ҳужумчи Норвегияга қарши ўйинни тўлиқ захира ўриндиғида ўтказган, мураббий эса унинг Данияга қарши баҳсда ҳам асосий таркибда майдонга тушмаслигини айтган.
Роналду терма жамоа қароргоҳидан кетганидан сўнг бу қарорининг сабабларини очиқламаган ва улар ҳақида кейинроқ гапиришини билдирган.
