Krishtianu Ronaldu yana Portugaliya terma jamoasi safida maydonga tushishi mumkin. 41 yoshli hujumchining milliy jamoaga qaytishi kelasi yilga kutilmoqda.
The Touchline portugaliyalik jurnalist Migel Pereyra ma’lumotiga tayanib xabar berishicha, ayni paytda tomonlar o‘rtasidagi vaziyatni hal qilish uchun muayyan qadamlar tashlanmoqda. Muzokaralarda Ronalduning yaqinlari, bosh murabbiy Jorje Jezush vakillari hamda Portugaliya futbol federasiyasi ishtirok etmoqda.
Bundan tashqari, Ronaldu professional faoliyatidagi 1000-golini aynan Portugaliya terma jamoasi safida urishni xohlamoqda.
Ronaldu sentyabr oyi oxirida Jezush bilan yuzaga kelgan mojarodan so‘ng Portugaliya terma jamoasi qarorgohini tark etgan edi. Bundan avval hujumchi Norvegiyaga qarshi o‘yinni to‘liq zaxira o‘rindig‘ida o‘tkazgan, murabbiy esa uning Daniyaga qarshi bahsda ham asosiy tarkibda maydonga tushmasligini aytgan.
Ronaldu terma jamoa qarorgohidan ketganidan so‘ng bu qarorining sabablarini ochiqlamagan va ular haqida keyinroq gapirishini bildirgan.
