"Барселона" ғалати вазиятга тушиб қолди: улар учун Ферран Торресни "ПСЖ"га аввал кутилган 55 миллион евро ўрнига 50 миллион еврога сотиш фойдалироқ. Бу 2021 йилда "кўк-анорранглилар" футболчини сотиб олганида "Манчестер Сити" билан тузилган шартномага киритилган банд билан боғлиқ. Журналист Нил Соланинг сўзларига кўра, агар Торрес 55 миллион евро ёки ундан кўпроққа сотилса, каталонияликлар клубга қўшимча 10 миллион евро тўлашлари керак бўлар эди. Ҳужумчи "ПСЖ"га 50 миллион еврога ўтаётгани сабабли, бу банд бажарилмайди.
Шунингдек, "Барселона" Ферраннинг шартномасини узайтирса, "Манчестер Сити"га 7 миллион евро тўлаши шарт бўлганлиги маълум. Эҳтимол, шунинг учун Ла Лига гигантлари жаҳон чемпионига янги шартнома таклиф қилишдан иккиланишмоқда, гарчи унинг ҳозирги шартномаси келаси ёзда тугаса ҳам.
