Криштиану Роналду "Ан-Наср"нинг 2026/27 мавсумидаги илк ўйинига икки кун қолганида жамоа ихтиёрига келиб қўшилди. Португалиялик юлдуз тўйидан бир неча кун ўтиб клубга қайтди.
Қизиғи, Роналду "Ан-Наср" қароргоҳига янги имижда келди. 41 ёшли футболчи сочларини мисранг-сариқ тусга бўяган. Айрим ёруғликда унинг сочлари ҳатто қизғиш тусда кўриниши мумкин.
15 август, шанба куни "Ан-Наср" Саудия Арабистони чемпионати доирасида "Ал-Фатҳ"ни ўз майдонида қабул қилади.
Криштиану Роналдунинг "Ан-Наср" билан амалдаги шартномаси келаси йилнинг ўрталарига қадар мўлжалланган.
