Европа Чемпионлар Лигасининг 1-туридан ўрин олган “Порту” ва “Манчестер Сити” жамоалари ўртасидаги учрашув якунига етди. Баҳсда “шаҳарликлар” 2:0 ҳисобида ғалаба қозонди. Ушбу учрашувда Ўзбекистон миллий терма жамоаси ҳимоячиси Абдуқодир Ҳусанов захирадан майдонга тушиб, иккинчи бўлимни тўлиқ ўтказди.

Ҳусанов 48-дақиқада Ёшко Гвардиолнинг ўрнига майдонга тушди. Ҳимоячи жами 27 марта тўп билан муомала қилди. У 22 та узатманинг 20 тасини аниқ амалга оширди (91 фоиз аниқлик). Sofascore портали Абдуқодирнинг ҳаракатларини 6,8 балл билан баҳолади.

Гарчи иккита гол ўтказиб юборган бўлса-да, “Порту” дарвозабони Диогу Кошта учрашувнинг энг яхши футболчиси деб топилди — 9,5 балл. Дубл муаллифига айланган Эрлинг Ҳоланднинг ҳаракатлари эса 8,2 баллга лойиқ кўрилди.