Каталониянинг "Барселона" клуби президенти Жоан Лапорта немис мутахассиси Ханс-Дитер Фликнинг жамоа бош мураббийи сифатидаги фаолиятига баҳо берди.
"Ханс-Дитер жамоа учун идеал мураббий ҳисобланади. У бизнинг услубимизни тушунади. Биз Фликни унинг фалсафаси туфайли танлаганмиз. Унинг жамоаларида жорий этадиган вертикал футбол услуби бизга ёқади. Флик ўйинни учта тамойил асосида қуради: прессинг, тўпга эгалик қилиш ва позиция танлаш", — дея "кўк-анорранглилар" президентининг сўзларини келтирмоқда Marca газетаси.
Немис мураббийининг каталониялик гранд билан шартномаси 2028 йил июнь ойининг охирида якунланади. У 2024 йил июлидан буён "Барселона"ни бошқариб келмоқда.
