«Манчестер Сити» ҳужумчиси Эрлинг Холанд Чемпионлар лигасида «Порту»га қарши ўйиндан сўнг (2:0) жамоадоши Айюб Буаддини мақтади.
Айнан норвегиялик футболчи умумий босқич биринчи туридаги учрашувда «шаҳарликлар»нинг ҳар икки голини урди. 18 ёшли марокашлик ярим ҳимоячи гол ёки голли узатма билан ажралиб турмади, аммо Холанд ҳам уни мақтади.
«Буадди — ҳақиқий бриллиант. Машғулотларда у шунчаки ажойиб ва бу ҳақда клуб президентига ҳам айтганман. Аммо, менимча, иккинчи бўлимда у менга пас бериши керак эди — мен мутлақо ёлғиз эдим. Бу мени жаҳлимни чиқарди ва ҳозир бу ҳақда унга айтаман», — дея Холанднинг сўзларини Actu Foot келтирмоқда.
Айюб Буадди ёз охирида «Лилль»дан 95 миллион евро эвазига «Манчестер Сити»га ўтган.
