Ёзги трансфер ойнасида Хулиан Альварес "Барселона"га ўтишни хоҳлади, аммо "Атлетико Мадрид" аргентиналик ҳужумчини қўйиб юборишдан бош тортди. Матбуотда Мадрид клуби Альваресни сотишга тайёрлиги, аммо "Барселона"га эмас, балки "Арсенал"га сотишга тайёрлиги ҳақида хабар берилган эди.
The Touchline нашри хабар беришича, Хулиан Альварес энди "Арсенал"га ўтишни хоҳламоқда. Аргентиналик футболчи январь ойида Лондонга кетишни жиддий ўйламоқда.
Илгари "Барселона" Альвареснинг афзал кўрган варианти бўлган бўлса, энди "Арсенал" унинг биринчи рақамли танловига айланди. Хулиан "Атлетико"да узоқ муддатли келажакни кўрмаяпти.
"Арсенал" ёзда 26 ёшли Альварес учун 100 миллион фунт стерлингдан ортиқ пул тўлашга тайёрлиги ҳақида хабар берилган. Лондонликлар келишувга Виктор Дьёкереш ёки Нони Мадуэкени қўшишлари мумкин.
