"Real" bosh murabbiyi Zinedin Zidan Ispaniya kubogi chorak finalining javob uchrashuvida "Selta"ga qarshi o‘yin oldidan jamoada jismoniy tayorgarlik bo‘yicha muammolar yo‘qligini aytdi.
Birinchi uchrashuvda madridliklar o‘z maydonlarida 1:2 hisobida mag‘lub bo‘lganlar.
"Jismoniy tayyorgarlik borasida bizda hammasi yaxshi. Ammo menga berilayotgan savollardan "Real" xuddi oxirgi o‘rinda borayotganidek va ligada qolish uchun o‘ynayotgandek tuyulmoqda. Men xavotirda emasman, futbolchilarda ham shu", - deydi Zidan.
"Selta" - "Real" uchrashuvi bugun, 25 yanvar kuni bo‘lib o‘tadi.
