"Реал" бош мураббийи Зинедин Зидан Испания кубоги чорак финалининг жавоб учрашувида "Сельта"га қарши ўйин олдидан жамоада жисмоний таёргарлик бўйича муаммолар йўқлигини айтди.
Биринчи учрашувда мадридликлар ўз майдонларида 1:2 ҳисобида мағлуб бўлганлар.
"Жисмоний тайёргарлик борасида бизда ҳаммаси яхши. Аммо менга берилаётган саволлардан "Реал" худди охирги ўринда бораётганидек ва лигада қолиш учун ўйнаётгандек туюлмоқда. Мен хавотирда эмасман, футболчиларда ҳам шу", - дейди Зидан.
"Сельта" - "Реал" учрашуви бугун, 25 январь куни бўлиб ўтади.
