Испания терма жамоаси ярим ҳимоячиси Родри Ламин Ямал вақти келиб барибир «Олтин тўп»ни боши устида баланд кўтаришига ишончи комил.

«Кун келиб у «Олтин тўп»ни қўлга киритади — у ҳақиқий маҳлуқ. Ямал — ажойиб йигит. У билан муносабатларимиз жуда яхши. Одамлар уни у қадар яхши билишмайди. Мен уларга Ямални яқиндан танишни маслаҳат берган бўлардим. У — фантастик инсон.

ОАВнинг эътиборими? Бу билан яшашга кўникиш керак. Ямал ўз ёшига нисбатан ҳайратланарли даражада улғайган. Қайсидир маънода матбуотда унинг образи нотўғри талқин қилинади. У ўз ёши учун лол қолдирадиган даражадаги қадриятларга эга бўлган ажойиб йигит. Унинг бор-йўғи 18 ёшда эканини унутмаслик лозим», — дея Родрининг сўзларини келтиради Goal портали DAZN телеканалига таяниб.

Эслатиб ўтамиз, Родри 2024 йилда «Олтин тўп» соҳиби бўлган эди.