1992 йилги Олимпиада чемпиони, ўзбекистонлик гимнастикачи Оксана Чусовитина аргентиналик футболчи Лионель Месси ва португалиялик Криштиану Роналдунинг жисмоний ҳолати ҳақида ўз фикри билан ўртоқлашди.

«Мессининг қандай югураётгани, ўйнаётганига қаранг. У шунчаки майдонда вақт ўтказмаяпти. Худди Роналду каби. У ҳам ажойиб! Менимча, Криштиану ушбу ЖЧ-2026да Лионель Мессидан кам ҳаракат қилгани йўқ. Ҳар бир спортчи бундай юқори даражадаги турнирга йўл олар экан, фақат ва фақат ғалаба ҳақида орзу қилади ва ўйлайди», – деди Чусовитина.

41 ёшли Роналду футбол бўйича 2026 йилги жаҳон чемпионатидаги иштирокини чорак финалда якунлади. У турнирда учта гол муаллифига айланди.

39 ёшли Месси эса бугун, 19 июль куни турнир финалида майдонга тушади. Аргентиналик футболчи ҳисобида мусобақанинг еттита ўйинида саккизта гол мавжуд.