1992 yilgi Olimpiada chempioni, o‘zbekistonlik gimnastikachi Oksana Chusovitina argentinalik futbolchi Lionel Messi va portugaliyalik Krishtianu Ronalduning jismoniy holati haqida o‘z fikri bilan o‘rtoqlashdi.
«Messining qanday yugurayotgani, o‘ynayotganiga qarang. U shunchaki maydonda vaqt o‘tkazmayapti. Xuddi Ronaldu kabi. U ham ajoyib! Menimcha, Krishtianu ushbu JCH-2026da Lionel Messidan kam harakat qilgani yo‘q. Har bir sportchi bunday yuqori darajadagi turnirga yo‘l olar ekan, faqat va faqat g‘alaba haqida orzu qiladi va o‘ylaydi», – dedi Chusovitina.
41 yoshli Ronaldu futbol bo‘yicha 2026 yilgi jahon chempionatidagi ishtirokini chorak finalda yakunladi. U turnirda uchta gol muallifiga aylandi.
39 yoshli Messi esa bugun, 19 iyul kuni turnir finalida maydonga tushadi. Argentinalik futbolchi hisobida musobaqaning yettita o‘yinida sakkizta gol mavjud.
