Zinedin Zidan 39 yoshda bo‘lishiga qaramay, Lionel Messining yuqori darajada o‘ynashda davom etayotgani nihoyatda hayratlanarli ekanini ta’kidladi. Sobiq «Real» bosh murabbiyi argentinalik futbolchining «Oltin to‘p» uchun asosiy da’vogar bo‘lishini to‘liq qo‘llab-quvvatladi.
«Men Messi uchun 100 marta ovoz bergan bo‘lardim. Odamlar 39 yoshda ham dunyoning eng yaxshi futbolchilari qatorida qolish qanchalik aql bovar qilmas natija ekanini tushunishmayapti», — dedi Zidan.
U Messining «Oltin to‘p»ni yana bir bor qo‘lga kiritishidan hayron bo‘lmasligini aytdi. Zidanning fikricha, futboldagi eng buyuk futbolchi kim ekani haqida hali ham shubha qiladiganlar bu sportni yetarlicha tushunmaydi.
«Agar kimdir hali ham GOAT haqida shubha qilayotgan bo‘lsa, ochig‘ini aytsam, u inson futbol jamoatchiligiga tegishli emas», — deya qo‘shimcha qildi Zidan.
