Saudiya Arabistonining “An-Nassr” klubining 41 yoshli hujumchisi Krishtianu Ronaldu bosh murabbiy Jorje Jezus o‘z lavozimida qolar ekan, Portugaliya milliy terma jamoasida boshqa o‘ynamoqchi emas. CNN Portugal jurnalisti Rui Santushning xabar berishicha, futbolchi hamda murabbiy o‘rtasidagi munosabatlar endi yaxshi tomonga o‘zgarmaydi.

Xabarlarga ko‘ra, Ronaldu faqatgina Jorje Jezus iste’foga chiqarilgan taqdirdagina Portugaliya terma jamoasiga qaytadi. Aks holda, futbolchi milliy jamoa libosini boshqa kiymoqchi emas.

Eslatib o‘tamiz, tomonlar o‘rtasidagi kelishmovchilikning Millatlar Ligasi doirasida Norvegiyaga qarshi (2:1) kechgan uchrashuvda boshlandi. Ronaldu ushbu bahsda to‘liq 90 daqiqa zaxirada qoldirildi va bu futbolchining keskin e’tiroziga sabab bo‘lgan. Oqibatda hujumchi Daniyaga qarshi o‘tkazilgan navbatdagi uchrashuv (4:2) oldidan jamoaviy mashg‘ulotlarda ishtirok etishdan bosh tortgan va ko‘p o‘tmay terma jamoa ixtiyorini butunlay tark etgan.

Vaziyatni yanada chigallashtirgan holat — murabbiyning matbuot anjumanidagi keskin bayonoti bo‘ldi. Qayd etilishicha, Ronaldu Jorje Jezusning o‘yindan keyingi intervyusida aytgan gaplaridan qattiq ranjigan. Murabbiy o‘z navbatida futbolchining jamoani boykot qilgani yuzasidan izoh berarkan, qabul qilgan qarorlari uchun hech kimdan uzr so‘ramoqchi emasligini ta’kidlagan.