Madridning "Real" klubi o‘z tarkibini yana bir angliyalik futbolchi bilan kuchaytirishi mumkin.
Insayder Migel Serranoning xabar berishicha, "qirollik klubi" rahbariyati "Kristal Pelas" yarim himoyachisi Adam Uortonga qiziqish bildirmoqda.
Manba ma’lumotiga ko‘ra, London klubi o‘zining yetakchi futbolchilaridan biri bilan xayrlashish uchun 100 million yevro talab qilmoqda.
22 yoshli Uorton 2024 yil fevral oyidan buyon "Kristal Pelas" sharafini himoya qilib kelmoqda. Uning klub bilan amaldagi shartnomasi 2029 yilning yoziga qadar mo‘ljallangan.
Transfermarkt portali mutaxassislari angliyalik yarim himoyachining hozirgi bozor qiymatini 75 million yevroga baholamoqda.
