Лионель Месси Аргентина терма жамоасининг Испанияга қарши жаҳон чемпионати финал учрашувини асосий таркибда бошлади. Месси учун бу фаолиятидаги учинчи мундиал финали бўлди — бунгача Лео 2014 ва 2022 йилги финалларда майдонга тушган эди.
Бунгача тарихда фақатгина биргина футболчи жаҳон чемпионатларининг учта финалида қатнашган. Бу ҳимоячи Кафу бўлиб, у Бразилия сафида 1994, 1998 ва 2002 йилги финалларда ўйнаган.
Таъкидлаш жоизки, Пеле иккита финалда қатнашган — футбол қироли 1962 йилги мундиал финалини жароҳати туфайли ўтказиб юборган эди.
2014 йилда Месси бошчилигидаги Аргентина финалда Германияга имкониятни бой берган (120 дақиқадан сўнг 0:1), 2022 йилда эса Аргентина Францияни мағлуб этган эди (120 дақиқадан сўнг 3:3, пенальтилар сериясида 4:2).
