Мадриднинг "Реал" клуби ҳимоячиси Антонио Рюдигер фаолиятини давом эттириш учун янги жамоа изламоқда. Германиялик футболчи келаси ёзда эркин агент мақомини олади, чунки "қаймоқранглилар" у билан амалдаги шартномани узайтиришни режалаштирмаяпти.
Оммавий ахборот воситалари маълумотларига кўра, тажрибали марказий ҳимоячини ўз сафига қўшиб олишга Англиянинг "Тоттенхэм" клуби қизиқиш билдирмоқда.
Лондонликлар Рюдигерни нафақат ҳимоя чизиғини кучайтира оладиган футболчи, балки жамоадошларини ўз ортидан эргаштириш қобилиятига эга етакчи сифатида ҳам кўрмоқда.
Шу билан бирга, Антонио Рюдигер учун яна бир эҳтимолий йўналиш Саудия Арабистони чемпионати бўлиб қолмоқда.
Германиялик ҳимоячи фаолиятини ушбу мамлакат клубларидан бирида давом эттириши ҳам мумкин.
