Футбол инсайдери Фабрицио Романо Мадриднинг “Реал” клуби 2027 йилда ҳимоя чизиғини кучайтириш режалари ҳақида маълумот берди. Шунингдек, у ўтган ёзги трансферлар билан боғлиқ тафсилотларни ҳам очиқлади.

Манбанинг маълум қилишича, “қироллик клуби” раҳбарияти 2027 йилда камида битта жаҳон даражасидаги марказий ҳимоячи билан шартнома имзолашни асосий вазифа қилиб белгилаган.

Шунингдек, журналистнинг таъкидлашича, ўтган ёзда “қаймоқранглилар” “Интер”нинг асосий ҳимоячиси Алессандро Бастони ҳамда “Манчестер Сити” ҳимоя етакчиси Рубен Диаш номзодларини жиддий кўриб чиққан.

Бироқ Мадрид клуби италиялик ва португалиялик футболчиларнинг қиммат трансферларидан воз кечган. Бунинг ўрнига француз ҳимоячиси Ибраима Конате билан шартнома имзолашга қарор қилинган. У клубга эркин агент сифатида, яъни трансфер пули тўланмасдан келиб қўшилган.