Мадриднинг "Реал" клуби бош мураббийи Жозе Моуриньонинг жамоа ярим ҳимоячиси Бернарду Силвага муносабати ҳақида янги маълумотлар пайдо бўлди.
Португалиялик футболчи Испания Ла Лигасининг сўнгги учта учрашувидан фақат биттасида майдонга тушган ва унда ҳам бор-йўғи саккиз дақиқа ҳаракат қилган.
"Реал" фаолиятини ёритиб борадиган журналист Бен Фернандес Сантоснинг хабар беришича, Моуриньо ва унинг мураббийлар штаби Бернарду Силванинг имкониятларига ҳеч қачон шубҳа қилмаган.
Манбанинг таъкидлашича, клубда футболчининг жисмоний ҳолати тўлиқ тикланиши ва у ўзининг мақбул спорт формасига киришини кутишмоқда. Ярим ҳимоячининг кам ўйин амалиётига эга бўлаётгани айнан шу омил билан изоҳланмоқда.
Бернарду Силва жорий мавсумда "Реал" сафида барча мусобақалар доирасида еттита учрашувда иштирок этиб, битта голли узатмани амалга оширган.
Эслатиб ўтамиз, Мадрид клуби навбатдаги учрашувини 18 октябрь куни Испания чемпионатининг 9-тури доирасида "Севилья"га қарши ўз майдонида ўтказади.
Баҳс Тошкент вақти билан 19 октябрга ўтар кечаси соат 00:00 да бошланади.
