Polymarket платформаси 2026 йилги жаҳон чемпионати якунланганидан сўнг «Олтин тўп» соврини учун коэффициентларни янгилади.
Платформа фойдаланувчиларига кўра, нуфузли совринни қўлга киритиш учун асосий фаворит Испания терма жамоаси вингери Ламин Ямал ҳисобланади. Унинг ғолиб бўлиш эҳтимоли 51 фоизга баҳоланмоқда.
Иккинчи ўринда Англия терма жамоаси ҳужумчиси Харри Кейн жойлашган бўлиб, унинг имкониятлари 27 фоиз деб баҳоланган.
Кейинги ўринларни Аргентина терма жамоаси сардори Лионель Месси (8 фоиз) ва Франция терма жамоаси ҳужумчиси Килиан Мбаппе (4 фоиз) эгаллаб турибди.
Эслатиб ўтамиз, Испания терма жамоаси 2026 йилги жаҳон чемпионати финалида Аргентинани қўшимча вақтда 1:0 ҳисобида мағлуб этиб, ўз тарихида иккинчи бор жаҳон чемпионига айланди.
