«Брюгге» ҳужумчиси Николо Трезольди УЕФА Чемпионлар лигасида Миланнинг «Интер» клубига қарши учрашувда хет-трик қайд этганидан сўнг журналистлар билан суҳбатлашди.

22 ёшли футболчи учта гол уриб, жамоасининг А Серия гранди устидан сафарда 4:3 ҳисобида кутилмаган ғалабага эришишига катта ҳисса қўшди.

Учрашувдан сўнг италиялик келиб чиқишга эга германиялик ҳужумчи қайси мамлакат терма жамоасида ўйнаш борасида ҳали бир қарорга келмаганини маълум қилди.

«Ҳа, мен италияликман, шу билан бирга германиялик ҳамман. Онам эса аргентиналик. Қулай фурсат келганида ўз қароримни қабул қиламан», — дея Трезольдининг сўзларини келтирмоқда журналист Фабрицио Романо.

«Брюгге» ҳужумчисига «Барселона» ва Англия Премьер-лигасининг етакчи клублари анчадан буён қизиқиш билдираётгани ҳақида хабарлар тарқалмоқда.

Жорий мавсумда Тресольди 11 та учрашувда майдонга тушиб, 9 та гол урди.