Испания терма жамоаси ва «Сельта» клуби ҳужумчиси Борха Иглесиас «Метлайф Стэдиум»да бўлиб ўтадиган жаҳон чемпионати финали чипталари нархини оммавий равишда танқид қилди.
Иглесиас Instagram саҳифасига чипталар нархи акс этган скриншотларни жойлаштирди — унда энг қиммат жойлар учун нархлар 9 000 доллардан қарийб 50 000 долларгача этиб белгиланган — ва «Бу — шармандалик», деб ёзиб қолдирди.
COPE нашрининг ёзишича, Испаниядаги сайёҳлик агентликлари АҚШдаги финал ўйинига бориш учун пакетларни тахминан 9000 еврога таклиф қилишган.
