"Atletiko" bosh murabbiyi Diyego Simeone Ispaniya kubogi yarim finalida "Barselona" ustidan muqarrar g‘alaba qozonish yo‘lini topganga o‘xshaydi.

COPE e’lon qilgan ma’lumotlarga ko‘ra, kataloniyaliklarni cho‘chitib, ularning himoyasini to‘zg‘itib yuboruvchi hujum chizig‘ida argentinalik murabbiy Yannika Ferreyra-Karrasko va Antuan Grizmann xizmatidan foydalanadi. Aynan belgiyalik havbek Fransiya terma jamoasi yetakchisi bilan hamkorlikda "Barselona" himoyasi uchun yangilik bo‘lishi kutilmoqda..

Simeone foydalanadigan qolgan o‘yinchilar — himoya chizig‘idagi Vrsalko, Savich, Godin va Filipe Luish, shuningdek, yarimhimoyachilar Xuanfran, Gabi, Saul va Koke.

Darvoqe, ilgariroq Simeone o‘z jamoasining "Barselona"ga qarshi o‘yinida adolatli hakamlik bo‘lishiga ishonqiramayotganligini ochiqlagan edi.

Don Balon nashri xabariga ko‘ra, argentinalik murabbiy hakamlarning "Barselona" zarariga ko‘plab jiddiy xatolarga yo‘l qo‘yayotganidan tashvishga tushgan. Simeonega ko‘ra, kataloniyaliklarning hakamlik borasidagi muttasil e’tirozlari ularga bosim yuklashi va "Barselona"ga beixtiyor yon bosishlariga olib kelishi mumkin ekan.