"Атлетико" бош мураббийи Диего Симеоне Испания кубоги ярим финалида "Барселона" устидан муқаррар ғалаба қозониш йўлини топганга ўхшайди.
COPE эълон қилган маълумотларга кўра, каталонияликларни чўчитиб, уларнинг ҳимоясини тўзғитиб юборувчи ҳужум чизиғида аргентиналик мураббий Янника Феррейра-Карраско ва Антуан Гризманн хизматидан фойдаланади. Айнан белгиялик ҳавбек Франция терма жамоаси етакчиси билан ҳамкорликда "Барселона" ҳимояси учун янгилик бўлиши кутилмоқда..
Симеоне фойдаланадиган қолган ўйинчилар — ҳимоя чизиғидаги Врсалко, Савич, Годин ва Филипе Луиш, шунингдек, яримҳимоячилар Хуанфран, Габи, Саул ва Коке.
Дарвоқе, илгарироқ Симеоне ўз жамоасининг "Барселона"га қарши ўйинида адолатли ҳакамлик бўлишига ишонқирамаётганлигини очиқлаган эди.
Don Balon нашри хабарига кўра, аргентиналик мураббий ҳакамларнинг "Барселона" зарарига кўплаб жиддий хатоларга йўл қўяётганидан ташвишга тушган. Симеонега кўра, каталонияликларнинг ҳакамлик борасидаги муттасил эътирозлари уларга босим юклаши ва "Барселона"га беихтиёр ён босишларига олиб келиши мумкин экан.
