Мадриднинг «Реал» клуби 2026/2027 йилги мавсумда жамоага янги қўшилган футболчиларнинг ўйин рақамларини эълон қилди.

Ҳимоячи Ибраима Конате 16-рақам остида ўйнайди. Марк Кукурелья 17-рақам, Дензел Думфрис эса 24-рақамни олди. Ярим ҳимоячи Бернарду Силва 20-рақамни танлаган бўлса, Ян Диоманде 25-рақам, Карлос Эспи эса 19-рақам остида майдонга тушади.

Рауль Асенсио 2-рақамни эгаллади. Ушбу рақам Даниэль Карвахаль жамоадан кетганидан сўнг бўшаган эди. Дин Хёйсенга эса аввал Давид Алабага тегишли бўлган 4-рақам берилди. «Лион»даги ижара муддати якунланиб, «Реал»га қайтган ҳужумчи Эндрик яна 9-рақамни танлади.

Испания Ла Лигасининг янги мавсуми 15 август куни старт олади. «Реал»нинг 2026/2027 йилги мавсумдаги илк учрашуви эса 22 август куни «Эспаньол»га қарши бўлиб ўтиши режалаштирилган.