Каталониянинг «Барселона» клуби 20 ёшли вингери Руни Барджи 2026/2027 йилги мавсум бошланиши арафасида жиддий жароҳат олди. Инсайдер Фабрицио Романо X ижтимоий тармоғида хабар беришича, футболчи тиззасининг олд хочсимон боғламини узиб олган ва 6-7 ой муддатга сафдан чиқди.

Швециялик футболчи 2023/2024 йилги мавсумда ҳам тиззасидан олган жароҳати сабаб 11 ой футболдан четда қолган эди. Аввалроқ Барджи «Барселона»га Энтони Гордон ва Карим Адейеми каби ҳужум чизиғи футболчилари келганидан сўнг клубни тарк этиши мумкинлиги хабар қилинганди.

Футболчига Германия Бундеслигаси, Нидерландия Эредивизи, Франция Лига 1, Португалия чемпионати ва Италия А Серияси клублари қизиқиш билдирган. Потенциал даъвогарлар орасида «Астон Вилла», «Сандерленд», «Эвертон», «Фулхэм», «Брайтон», «Лидс Юнайтед», «Аякс», «Марсель», «Порту», «Ювентус» ва Дортмунднинг «Боруссия» клублари тилга олинган.