"Олтин тўп" учун кураш ҳақида гапирган Ламин Ямал яқинда ўзи ва Килиан Мбаппени айни пайтда дунёнинг энг яхши икки футболчиси деб ҳисоблашини айтган эди.
El Nacional хабарига кўра, испаниялик вингернинг бу баёноти "Барселона" кийиниш хонасида маълум даражада ноқулайлик келтириб чиқарган.
Айниқса, Ямалнинг сўзлари Рафинья ва Родрига ёқмаган. Манба таъкидлашича, ҳар икки футболчи ҳам ўзини дунё футболи элитасига мансуб ўйинчилар қаторида кўради.
"Юлдуз футболчиларга бой кийиниш хонасида ўзини бошқалардан устун деб кўрсатиш, ўзини ҳам энг яхшилардан бири деб ҳисоблашга етарли асосга эга жамоадошларга нисбатан ҳурматсизлик сифатида қабул қилиниши мумкин", — дейилади манба хабарида.
Қайд этилишича, энди Ханси Флик учун вазиятни назорат остига олиш ва жамоадаги муҳит ёмонлашишига йўл қўймаслик муҳим аҳамият касб этади.
